Kaesong Thuhla Ah South Korea Cun North Korea Thawn Thu Reltlang Dingin Sawmnak Netabik Nei

_68734627_68733152

South Korea le North Korea ramhnih ih hna an tuantlangnak hmunpi le sumdawnnak hmunpi ih an hmanmi Kaesong Industial Zone tuahsal / onsal nak ding thu ah South Korea cun North Korea cu a sawmsal. April, 2013 ah khan, ramhnih karlak ih hmuhthiam awklonak hrekkhat ruangah hitawk hi an rak khar ih tutiang an ongsal thei hrih lo.

Ramhnih tuanvo neitu pawl hi tum 6 rori Kaesong thuhla ah tu naite ah thu an reltlang. Asinan, North Korea cun Kaesong thuhla ah lungkim lomi pakhat a nei lai. Cumi cu, “Thuhla felfai umlo ah dan lo in khar nawn lo ding” timi ah North Korea cu a lungkim thei hrih lo. Kan dung April ih an khar khal ah khan, dan le dun thlun lo in an khar ruangah South Korea cun hivek ih North Korea par ah a tinak khal a si.

Kaesong-Industrial-Complex-jpg

South Korea ihsin tuanvo neitu pakhat, Ryoo Kihl-jae cun, “North Korea hin Kaesong ih cetzung pawl duhduh ih a phitsal a si ahcun, kan hrangah a thalo zetmi a si. Curuangah, himi thuhla ah North Korea hnen ihsin thuhla felfai kan thei duh. Tu ah thurel tlangnak ding kan simsal ih, Kaesong Industrial Zone thuhla ah kan sawmnak netabik a si men thei” tiin a sim.

Kaesong Industrial Zone ah hin, South Korea mi pawl hin cetzung 120 tluk a nei ih, North Korea rammi 53,000 tluk hnatuantu ah an la tiin BBC cun a tarlang. Kum reizet hi hmun ah South Korea mipawl hin hna an tuan zo ih, kan dung naite ih an khar hman ah khan an sumdawnnak ziangmaw zat cu a siatsuah man thu khal South Korea mi, Kaesong ih cetzung neitu pawl cun an rel.

(Visited 96 times, 1 visits today)

Comments

comments

Comments

%d bloggers like this: