Kachin Ralkap In Acozah Ralkap 30 Kai

 

Kachin Independence Army (KIA) in kum lenglo acozah thawi an kahawknak ah acozah ralkap 30 leng lo cu raldo lai ah an kai. KIA thureltu La Nan cun kan kaih mi pawl hi bulpak le sergeant rank neitu pawl an si ih leitlun ih an hman mi ral do lai ih kaih mi pawl an ret dan in kan kil khawi. “An nih cun kan ralkap pawl an kaih mi ziangtluk in hrem ti kan thei nan, kan nih cun kan kaih mi pawl minung bang in kan kil,” ati.

Ral doawknak hmun ih kaih mi pawl acozah ralkap pawl hnen ih ap sal ding cu hrem an ton ding tihphang nak thawn duh a um lo zet. Ralkap kaih mi pawl cu kawl acozah hnen ah ap sal ding in acozah rualremnak hrang hnatuantu Chairman Railway Minister Aung Min in KIO thawi midang theihpi nak tel lo (unofficial) ih an ton awk can ah khan Aung Min in a dil mi asi.

La Nan cun “KIA pawl cu acozah in ralkahnak hmun ih an kaih tikah nasa zet in an hrem. May thla ah khan kan ralkap pasarih an kai. An surrender hnu hman ah paruk pawl cu an kap that ih pakhat lawng a nung ih an kaih mi cu Myitkyina ah an kuat. Cu lawng si lo in Shan ram saklam ih kan Brigade-4  sung ihsin pakhat cu a nung in an kaih hnu ah harsa zet in an hrem. A hnar ah caw bang in kua an virh sak ih khawsung ah hridai thawn caw bang in an hruai,” ati.

Kawl ralkap pawl in ralbuainak hmun ihsin tlantu pawl khal an kai ih daan pahbal tu mibur tiin hmin an pe tiah vei tam zet thu don asi. Ralkahnak hmun ih kaihmi tiin ramsung mi pawl hmun kip ah an kai ih Kachin ramthen ah kaihawknak a khat ti in thu don asi.

Minister Aung Min le KIA hruaitu pawl thawn tui thla cem zawngah unofficial in thurel tlangnak an nei ding. Acozah pi in Kachin ram ih Bhamo ah tong aw ding in dilnak an nei nan KIA cun tui an doawknak a natsat tuk ruangah an el.

KIA cu Kachin ramthen uktu Colonel Than Aung thawn vei hnih ton awknak an nei zo. Rualremnak palai Minister Aung Thaung thawn vei thum an nei ih, Minister Aung Min thawn vei nga tonawknak an nei zo. (DVB, July 5)

(Visited 287 times, 1 visits today)

Comments

comments

Comments

%d bloggers like this: