Ka Ti Thei Ding Ti Ka Thei

August 20

Tlawngkai Nili

 

Ka Ti Thei Ding Ti Ka Thei

 

Siar:

Efesa 3:14-21

 

Kan sungah a huham in hna a ttuantu cun kan dil theimi le kan ruah theimi hnak hmanih a let tampi in a ttuan thei a si. –Efesa 3:20

 

Kumkhat Sung Baibal:

–   Saam 105-106

–   1 Korin 3

 

“The Little Engine That Could?” timi thuanthu kha na ciinglai maw? Tlangleeng fate cu tlang hrapzet kai phah in, “Ka ti thei ding ti’n ka ruat,” tiah a tthalam saal phah rero in a feh. Thazaang a ngah deuhdeuh tikah, “Ka ti thei,” ti’n a sim saal.

 

Jesuh dungthluntu pawl hi a ttha zawngih nung le ruat ding an si cu zokhal in an lung a kim. Thlarau Thianghlim ih cahnak hnakin nangmah thilti theinak parah tthum awtuk in na thei aw dah maw?

 

John 15 sungah Jesuh in A parih famkim te’n kan tthum awk a ttulzia a sim fiang. “Keimah in pehzomtu cu ka pehzom ve dingih rah tampi a rah ding (c.5) a ti. Paul khal in, “Cahnak i petu Khrih thawngin ziangkim ka ti thei (Filipi 4:13), thilti theinak cu keimah ah si loin Pathian huham a si (2Korin.4:7) , Thlarau Thianghlim in nan sunglam minung sinak kha cahnak huham a pe,” (Efesa 3:16) tiin in zirh.

 

Amah ih cahnak thawngin tuahter in duhmi cu kan tuah thei. Curuangah kan rinsannak cu kan thiltitheinak parah si loin Pathian ih a famkimmi thukamnak par sawn ah kan tthum thei a si.

 

Curuangah tuih sun ah engine fate hnakih cak sawn Khrih thawngin “Ka ti thei ti ka thei” kan ti thei.

 

Pathian in a sal pawl hnenah thu a kam,

Nunnak ah nangmah lawng na si lo ding;

Na taalbuainak ah na baang le,

Nangmai’ cahnak si loin Amai’ cahnak in a neh ding.

 

Pathian thiltitheinak in Pathian ih in dilmi a pek thei.

(Visited 27 times, 1 visits today)

Comments

comments

Comments

%d bloggers like this: