Ka Siangthlairem Hnen

Ka Siangthlairem hnenah

Tlanghra dan ih ka siangthlairem,
Hmuh banlonak ram ah tuanzai
Rel in leng hmanla, na aannem,
Le na mawinak zuunrim ka ngai.
A tha bikmi vaibawi siam thil
Phunkim le sui thabik ai-in
Na tongkam khat theih ding ka hril
Na rimzuun leng ngai in na hmin,
Lungsung thlite’n cat lo’n ka sal.
Zanmang sungih na ra leen cang,
A piang hleimi aandang huval,
tangsung lawi ding bang lung a phang.

Apple hluan na hmur mawi ka cai.
Na kut nemte kai ih na biang,
Dimtei’ vun hnam lai ding ka ngai.
Zankhua thim in zingkhua van tiang,
Na zuk pom in duhthu ka sam.
Manzureu in hluan na zuun-rim
Ri ih ka tah can hman a tam.
Ka thi i ciah, ka lung i thlim.
Ka siangthlairem lung i hnemtu,
Ka biang parih luangmi luaithli,
A hul tertu na tongkam cu,
“Ka lo duhdawt,” ti hi a si.

S. Kei Uk

(Visited 39 times, 2 visits today)

Comments

comments

Comments

%d bloggers like this: