KA RUAH NAK LE A TAK

Hi thu hi ziang tin na ruat ve? 

KA RUAH NAK LE A TAK 

1…Ka kaa cun Lairam a duhdawt tuk ko nan.

(Kan lai rawl cu a ei thei fawn lo.) 

2…Ka kut cu Lairam hrangah tiin calai a ngan re ro ko nan.

(Kan Lai tu hmui cu a hum thei fawn lo.)  

3…Ka ke cu sum le pai hawl ah ram kip a tawi re ro ko nan.

(Kan lai ram suk le so cu a kai thei fawn lo.) 

4…Kan lai hni le puan cu ka duh [uar] tuk ko nan.

(Mi lakih hruk ding cun ka zah pi leh si.) 

5…Curuangah kan Lai mipi in hi thu hi kan ruah that atul a si; ziang

ah tilen kan Lairam hi ruahnak lawng siloin a tak ih kan duh dawt cu thlang a si.

                                                          By-  Salai Lal Hu Lian

(Visited 45 times, 2 visits today)

Comments

comments

2 Comments

  1. salai Lal Hu Lian ih ngan mi “Ka ruahnak le a Tak” ti mi ih thupi pali hi a dik lawlaw ka ti. Kan lairawl cu kan ei lonak a rei ruangah tla a si thei men ding. Feh sukso khal hi kan feh dah lonak a reiah cun dem theih mai cu a si ka zum lo. Asinan kan ei thangah cun “lairawl a thaw bik ko e” ti lo laimi ah cun an um ka zum lo. Pu Thang Tin Sum bangin “Kei cu rawl in suansak a si len, lairawlten aw” a ti mi tla ka vun mangsuak ruangro hokhaw. Hnipuan khal kan lairam ngaingai hnakin kan lairam leng a suaktupawlin an hruh nasa sawnin ka hmu ih ka lung a awi nasa.

    Tuha kai thei lo khal hi kan kaih thang lo ruangah a si ko ding. Kan minopawl hi Tuha kaih hnakih hlawksawn hna dang an tuan thei teh a si kei maw tiah ka ti zawk rero hokhaw.

    Ka hmuhnakah cun ramdang a thlengtu kan laimipawl hin kan lai nunphung an cawisang nasa ih kil nun khal an tum nasain ka hmu. Thimnakah USA umpawl tla cun, Lai phunpi ni ah cun an ceiawknak bik cu kan lai hnipuan a si bik thlangin ka hmu ih ka lung a awi nasa. Tel thei ve ningna ka ti ve nasa.

    Na thu lo tawmpi phahin ka rel duh mi pakhat a um. Hnipuan thawn kan lenglam cu kan hupaw nan kan thinlung sawn hi hupaw loin, a laimi lo pang dah kemaw ti lawngte ka ruah a har nasa. Kan minopawl hi kum 18 an kim cun mirangpawl bangin (Laimi thinlung tlansanin) nupi pasal nei lo khalin inpawn in suahsan thluh pang kemaw ti cu ka phang zet tho hokhaw.

    Pa Ham

  2. Khai a!!!

    L Hu Lian ih cangan mi a tha k ti zet ve.
    Cun Pa Ham ih cangan dan hi a siar a va nuam dupdo ve.
    Hivek cangan dan hi cawntlak a si.

    Paham, na cangan mi a dang siarsin ka duh zet.

    Pathuam
    =======

Comments

%d bloggers like this: