Ka Par Ahcun A Thleng Dah Lo Ding

November 3

Tlawngkai Nithum

Ka Par Ahcun A Thleng Dah Lo Ding

Siar:

Saam 30:6-12

Ka rinsan awk deuh tikah ka thinlung tein, “Nehmi ka si nawn lo ding,” tiah ka ti aw.   – Saam 30:6

Kumkhat Sung Baibal:

–   Jeremiah 30-31

–   Filemon

Christopher Reeve cu 1995 kum ah rang par ihsin a tlak ih a zeng. Amah cu lemcang a si ih hivek riahsiatza a can hlanih a zukmi lemcawnnak ah mizeng a ttuan. Timtuah awknak nei dingin mizeng pawl tuahtthat saalnak hmun ah a feh ttheu ih a tlun zik zawngah, “Bawipa ka lung a awi, keimah ka si lo ruangah,” a ti ttheu kha a vun mang saal. Accident a ton hnu ah sir awzet in, “Kei khal second pakhat sungah anmah vek ka cang thei ve, ti thei loin anmah thawn danglamtuk in ka rak ret aw sual,” a ti. A hrangah riahsiatza ngaingai a si.

Kannih khal midang harsatnak zoh in, “Ka par ahcun a thleng thei dah lo ding,” tiah kan ruat pang thei. Ahleice in kan hlawhtlin laitak, sumpai kan neih lai le innsungsang lungrual lai caan ahcun harsatnak kan ruat dah lo. A rinsan awkzet lai ah David cu siatsuahnak thang sungih a thlen a thei suak ih, “Ka rinsan awk deuh tikah ka thinlung tein, nehmi ka si nawn lo ding tiah ka ti aw” (Saam 30:6) a ti. Asinan hmakhatte ah David cu mah le mah rinsan awkzetnak ihsin a hoikir. Pathian in a raal pawl kut in a runsuahnak a ciingmang saal ih, “Ka riahsiatnak cu lungawi ih laamnak ah i thlengh sak zo” (c.11) a ti.

Thluasuahnak maw harsatnak kan hnenih a thlenter khal ah Pathian cu rinsan le lungawi thusim tlak a si thotho.   – Dannis Fisher

Pathian cu vancung ih ka Pa ti’n ka ruat ringring,

Anih cu a thlengh aw dah lo, a hmun ringring;

Mani, tuihsun, le a kumkhua in rinsan a tlak ringring,

I duh ti ka thei, A hmin thianghlim cu thangtthat uh.  – Felten

Lungawi caan le riahsiat caan ah

kan ttul bikmi cu Pathian a si.

(Visited 18 times, 1 visits today)

Comments

comments

Comments

%d bloggers like this: