Ka Nulepa Hrang Ka Nauhak Lai Si!

kknjSuakthuan ka si hnu khalah in seherhnak a dem theilo. Ka nu hrimhrim tla cun in duat tuknakah si pei cu, “Hitin nauhak te si ringring aw” i rak ti dah. Ṭhang dahlo ngaingai sehla cu a duh dahlo ding nan, nulepa ih fa in duat le seherh thei dan hi a rak thuuk tuk aw!

Curuangah asi ding, ka tleei zet nan, ka nulepa kiangih ka um ahcun dai lo le ngerh hnuaihni lo cun ka um ve thei lo. Ka nulepa cun ka u le te, innpawn suak zo pawl tiang an rak seherh hrih lai. Asi, nulepa dinhmun hicu thil harsa a si.

Nulepa kan hlat theilonak hi kan mawh ve lo, in rak duat ve em! Fapa Tlanhlo kan timi pa khal kha, a netnak ah a duhdawtbiktu a nulepa hnenah sirawknak tiingza thawn a kir sal ti kan thei. Ka nu thawn phone ih kan biakawknak ah “Ka fa na aw, ava rak thuum ve, nangmah ngaingai na si maw”? i ti.

Ka nulepa hi cun kum 20 ka kim zo ti khal an zum ngaingai theilo. An sencawi lai vekah in ruat ringring lai ee! Ni tampi, Zarh tampi, Thla tampi le Kum tampi a lian ko, a hminte’n ka rak pitling ve. Asinan, ka nulepa cun tuini tiang, kan lo seherh nawnlo in ti thei hrih lo. Ka nulepa te cun na nauhak lai ah kan lo cawm ih tu nangmah ih in cawm caan tiah in ti tikah thlaphang vekin ka um helhel. Nulepa, ziangtluk kan rak rinsan! An mawhphurhnak a va rak nasa ve.

Nupi teh nei ve sehla teh hivekin, ka nulepa te hrang “Fanghma-cum-kuurruk” maw ka si ringring ding? Tu ahcun ka nulepa te thawn hla zetah kan um. Zingpit ah le tlailam talah ka nu le pa biak ngah thei ringring sehla ka duh nan…an thlazar hnuai ih ziangruat lo ih ka rak tlaanlen rero lai kha leitlun hmun nuambik ah ka rak um ti ka rak thei fawn lo!

(Visited 66 times, 1 visits today)

Comments

comments

Comments

%d bloggers like this: