Ka nu…ka ra tlung zikte thlang

By- Salai Asang

1 August, 2002

Khawfing catnak ding zing vangar an khuang riangro thlang. Khawdai pawn in vaphun kip in an aw mawi suah in sersiamtu Cung Pathian an rak cawimawi ve…tawk fang a rei in tlang kam kil in ni a hawng suak riangro…kan sungkua kimte ih kan to khawmnak le ka nui rawl suannak kan tapi te tla ka vawn hmu…ka nui aw nem te cun “Tho thlang law ka fa hniang na hawi le tla cu partlan vate bawh ding in tlang an liam theh zo, na hawi le dung va  thlun in rawl hmeh in sum ve lo ding maw?” ti mi awka te kha…

Sem mawng ka si laiah hi leitlun si daan thei lo in sunghno ka nu le pa, ka nu le nau duhdawtnak sung in ka rak thanglian. Ni le thla tik cu le caan le kum khhal an mai si dan vek ten an rak her liam rero bang in kei khal ka tak sa le ka thinlung khal than lam pan ih a her ve vivo. Ka nui duhdawtnak cun ka thu I ral el siang dah lo ih ka fa hniang  mi bang ve nak dingah ti in sur le sa suk le so lak ah na rak vak tawi, na duhdawtnak hnawi ti thlum in, in rak cawm, na duhdawtnak biazai nem in, in lawm ih na duhdawtnak an kaa nemte thawn zandai thlapa vang lawm phah in in rak awi theu…

Cutin, pitling lam pan ih ka thanlen hnu ah thian rual thleidannak le thil sual ka tuah pang khal ah ka nu na duhdawtnak cun thinlung mitthli fawr phah te in, ka fa hniang na va tuah sual pang maw tiih na awka te kha ka rak thei thiam dahh lo. Sihmanseh in rak ngaithiam thotho ka nu, harsat ka tawn caan ah na thin ka bangter ih, nawmnak le thiltha ka tuah canah in rak lawm hliaphlo theu tu ka nu ka nu…

Aw…aw..na duhdawtnak hi a thuk in a va sang em…ka nu na duhdawtnak thlacamnak cu ka hrangah hriamnam thabik in rak pek ih thlawsuah malsawmnak in suahtir hnu ah a hmun ringring mi hnangam nak in, in cemcilh a kumkhua in…

Asi, ka nu, thin hngamten rak um ko aw…ka nu..na duhbikmi nafa, na fa hrang ih na duhbikmi an sim vairang catial, siangbawimang fung zawm ve dingin…ka ra thlung zik te thlang…na awka thlumte ih in rak hmuah ding khi thlir phah in….

 

(Visited 57 times, 1 visits today)

Comments

comments

Comments

%d bloggers like this: