Ka Nu Tel Lo In Tui Kum Ka Liam Ding

‘Rawi ei hiar lo le hmeh um lo cu a kaihlo tuk aw!’ tin ka u le si, kan phunzai rero laifang ah ka Nu in “ka fa le uh kan neih sunte hi thaw takin ei ko uh, tufangah mitampi hmeh neilo cu relhlah uh, rawl ei ding neilo rilrawng pum dawm rero in leitlun hmun ih kipah an um so khaw” tiih in rak simmi ka mang sal theu…cuvek thotho in ca ka zoh paihlo tuk caan khalah ka nu in “ca zoh uh maw, kan thihhnu ih nan pumcawmnak ding hrangah so khaw ti ih in rak simmi le ca zir duh nan zir theilo tampi an um tiih in rak sim theumipawl ka ruah sal tikah a dik ka ti tuk. Kan nu le pa in hawi banlo in rak phansak ziapawl ruah sal tikah nu le pa cun ziangtlukin in rak duhdawt ti kan theisal theu.A_Mothers_Love

Kan inn siate a phar pawl ttetzet luanglu hnui ah to in sumpai fangkhat hman kan neilo ti ka thei, tlawnginn ih sumpai ken ding hman cu mi ta kan cawi rero ti thei cing in ka Nu cun “ka fa le uh lungngai hlah uh maw, kan lian tuk sokhaw. Kan mahvek dinhmun thlenglo tampi kan dungah an um lai so khaw, ca nan thiam dingih milian le sibawi hna pawl nan tuan caan a thleng leh ding cumi caan ahcun nan rualpi tlawngkai tha duh lo le tui nungtha duhlopawl in nan bawm an lo dil rero ding tiin thu in rak sim theu.

A tui Kharisma ding zan ah ka nu in sumpai ziangzat I pe ding ti ruat phah in a phurah ka to ding ih a mithmai cu zawhte ih zinghnam a kil bang in ka kil tengteng ding. Himi zaan ahcun ka nu ti lungawi ding hlir ka ruat ding. Zankhua a thim cun ka nu in kan paisa bawm bal hniaphnite sumpai malte khalsisehla tam zet bang ih kan retnak cu kau in “Kha le, hi hmuah teh in a lo daih pei maw”? tin sianglo cingten Kharisma poket money ding I pe ko ding. Ka laklo ahcun rualpipawl ka kawm ngam fawnlo ding; ka nu ih kut sung ih sumpai malte cu a mithmai zoh phah in ka lak a tul.

Kan sumpai malte hi ziangtin kan ngah ti khal theilo in nu le pa rinsan tuk ruangah kan paisa bawm ah a mahte rak um men bang in ka ruat. Ka nu cun rualpi zathawn ka nuamnak ding asi ahcun kan neihsianlo khal I pe ding. Keimah ruangah ka nu hi thinhar le mangbang vansang in veiziangzat a tuar ti khal theiloin ziangkim ka hmang ral hnu ah kan runin ah ka kirsal theu. Ka nu cu Sialkiringcin nei bangin a mithmai nuamlo ka hmuh ding a phang tuk ruangah mithmai so parten’ I rak hmuak sal theu.

“Ka nu um lo nak hmun ah kei cu fa hniangte bang in ka um thotho…sawlhnah bang ka uai”

Atu ahcun ka nui kiang ah ka um thei nawnlo. Aduhdawtnak kiang ih um cu ka duh ringring ko nan ka hawi le pi pawl va ral an kai ahcun ka kai ve a tul. Zan ka mang le ka sawngtuanak ahcun maw! A hlan ih kan inn ah to khawmin rawl kan rak ei tlang. Kharisma caan ahcun ka nu in ka um lo ti theicing in I hawl rero ding ti ka thei. Kei khal ka nui neihsun sumpai cu ka nauhak lai ah ka rak dil tam tuk zo a tu cu a duhdawtnak, a tangnem ka dil sawn thlang ding.

(Visited 64 times, 1 visits today)

Comments

comments

2 Comments

  1. mi aa a si cu rawl lo le nu lo ih thi ding cu..

  2. mi aa si cu rawl o ih thih tum le nu lo ih thih tum te te..

Comments

%d bloggers like this: