Ka Mawh Lo

March 27

Tlawngkai Ninga

Ka Mawh Lo

 Siar:James 1:19-24

Nan theihmi kha a tuah suak tum uh.        – Jeim 1:22

Kumkhat Sung Baibal:          Thutthentu 1-3          Luka 4:1-30

 Florida ih tlawng pakhat ah tlawngta zate in minung 2550 cu kaihhreng ding an si. Thuthannak cet in nu le pa hmuahhmuah hnenah an faa le pawl cu nun sualnak ruangah cumi Zarhte Ni cu tlung loin tlawng ah hreng ding an si thu a than ttheh. Nauhak tampi in kan mawhnak a um lo an ti na’n, nu le pa hrekkhat cun an faale cawhkuan an pek. Amy timi nu cun, “Ka fapa ka kawk ih cumi Zarhte Ni cu tlawng ih cawhkuannak ah feh dingin ka sim,” a ti.

 A taktak ahcun tlawngta 16 lawng hrem tlak sualnak an nei na’n thuthannak cet a siat ih tlawngta zate thu a than sualmi a si. Tlawngta 2534 le an nu le pa pawl cu an lung a awizet.  Amy in a fapa ih simmi thu ngai lo le zum lo ih a um cu a sir aw ih a fapa kha cuih Zarhte Ni thawhhlam cu rawl dawr ah a eipi. 

Kannih khal kan ttong hlanah ttha te’n kan ngai hmaisa a ttulmi thuanthu tete kan nei cio ko ding. Kan theihmi thu tthen cat lohli le thinhengzet ih lehrul lohli kan hmang ttheu. Jeim in thu hnaihnok a um tikah thlun ding thu pathum in pek: “Thu theihnak ah zamrang uh, ttong ding le thinhennak ah khulfung uh” in ti (Jeim 1:19).

Nunnak ih kan tha a baang tikah ah, “Kan theihmi thu a tuah suaktu” (c. 22) kan si ih, tikcu laak in thungainak, ttong sup aw le thinhennak sup aw in um uhsi!

 Thuhla thei lo ih relcatmi thu cu,

a dik thei lo ding;

Kap hnih in thu ngai ttha aw,

 Cutawk ah thulehnak dik na hmu ding.

 

Thei dingin ngai aw, cuhnu ah duhdawtnak thawn ttong aw.

Comments

comments

Comments

%d bloggers like this: