Ka Mangbang Nawn Lo Bawipa: Mai Kimmy

April 1 zaan ih concert nak ah Mai Kimmy cu a sunglawi in Melbourne Chin mipi lakah a mikhual lo nasa!

Concert nak ih Pathian thangthatnak hla le Lai hla a sah tambik tum khal a si phah. A concert zaan ah pangpar petu a nei tam ih laam a zirhtu a pinu le a pasal tiangin an ra telpi.

Hla fing 10 lenglo a sak nan, a baang emem lo. Hlasak men siloin, mipi kai tho phah in a aw a suah nan, a aw suak a mawi kelten a mawi.

Concert theh, a thaizing ah Pathian thangthatnak hla a sak hlan ah Pathian in a nunlam a hruai daan pawl tla mipi hmai ah hitin a sim:

Pathian ih hnatuan daan hi ka mangbang nawn lo. Veikhat lai ah sumpai ka neihsun pek dingin ka thinlung ah Bawipa in hna a tuan. Ka pek asile, zianghman ka nei nawnlo ding timi ka thei.

Asinan pek lo theihlo vekin ka thinlungah Bawipa in hna a tuan. Harsa zetin ka pe thotho. A thaisun ah phone call ka dong ih ka pekmi hnakih tam sumpai ka ngah sal.

Hivekin, ka nunnak ah Bawipa in vei tampi hna a tuan zo. Bawipa ih hnatuannak hi ka mangbang nawnlo. Bawipa ka hrang a tha tiin a hlasak hlan ih a thusim netnak a tuah.
A hlasak mi pahnih a hnuai ah:

SETAN A DUAI:
https://www.youtube.com/watch?v=JWx1kXl93jo

SUNDAY SUN A HLASAK MI:
https://www.youtube.com/watch?v=zVFfzStrtCE

Comments

comments

Comments

%d bloggers like this: