Ka Lungfim Aa Tertu

Ka Lungfim Aa Tertu

Hausum Fanu

Rinum dingin thutiam in cah
Kan thutiam pomhnget in kum reipi ka lohngak!
Caan a rungrei nan ka thanau sianglo
Ka hnen na ratlun salding ruahsannak cu i cak tertu an si;

In ngaithiam aw, in hngilh menaw
Ziangthu so rasuak ka lohngah manah?
Duhmi ka rak lohngak rinum tein
Zingni a suahih tlaini a liamtiang
Ka raklo thlir theu na thei komaw?

Aimaw! ka thin a naa fualfo ko;3
Ttahnak le thinnatnak maw in pek lehsal
Ttangdang pomin kei in tanmen hi maw!
Ka ai ka hram ka lungaa ruairawn
In pekmi natnak ruangah
Ka lungfim aa tertu men maw na raksi??

Monu’i Mopa

Na kutzung teah zunghruk ka lobun terding;
Na thinlung sungah ka nunnak ka phumding;
Nangthawn nuamin kan lengtlang ding ti’n na ruahsannak in rakhlan!

Ka hngakhlap zet cu’i caan thlending
Ka sunmang zaanmang an timawi theh
Nangthawn ruuinn remtlang ding ka ruahsannak tumbik a raksi

Tlanghra danah thencaan a thleng
Thinlung sungah hlaaw lo dingin kan rak rel;
A hmunmi dawtnak a fekmi dawtnak thawn nauhniang in rakhngak aw na ti;

Mobuai darkhing a thang ka hnenah
Ka valhngah mi cun monu apom tiin;
A kaihmi monu kei ka silo
A pommi monu kei ka silo

Ka kutzungih zunghruk aiah
Lungkuai biazai in bun terih
Ka thinlung sungih a nun a phum aiah
Thinnatnak cu in phumsak sawn
Mitthli thawnin ka thlah liamta
Monu’i mopa mangtha tiin!

(Visited 73 times, 1 visits today)

Comments

comments

One Comment

  1. na zuk ret mi kha lainu a si mw? a si lo ah cun……

Comments

%d bloggers like this: