Ka Lo Be Ngamlo

Na hmursen ah zianghman na thuhlo nan a tleute ka hmu,

I zoh caan ah lo zohduhlo bangin ka um theu nan, na liam zawngah ka lo zoh.

Ziangah kan biakawk caan ah reipi I zoh, na mawinak ka nehlo kalo ti theu kha!

Na thin lo nuamter ringring ka duh  nan,

Thinhar le mangbang’n ka lo umter pang ding ti ka phang lala fawn,

Asinan, ka lo cawm thei ding, na duh a sile.

Nan hmuansak ka thlen tinten’ nan hawi ka khiak theu,

Asinan na theithiam dah cuanglo; ka diriam thotho.

Nan kawtka ka thlen caan ih ka kedam napi ka hrut tla na thei dahlo,

Sangka ah na dak ding ka zum ih ka mitsir in ka lo zoh theu.

…Veikhat cu dum tidai paih ding ih na feh lai ka lo hmu, hla deuh in,

Nangmahte feh awla, kei tla keimahte rak si bang sehla, hmaitawn in,

Hmaisen, thin khur, lungphang le ngamlo cingten’ ka lo biak ding ka ti.

Fala mawi biak hi thil ol zet ah maw nan ruah theu…a har mi so khaw!

Ka lo biak tum nak hi a kumtel a ti zo…ka lo biak ngam hrihlo.

Veikhat te in lo biak sehla, cule kan nelaw ding ti ka thei nan, a ol lo ee.

A cuaizomi pangpar cu dai men ah an tla ti ka thei,

Asinan a mawi lai le a par laimi pangpar cu a khiah ih khiah a tul.

Rose par in hling neilo sehla cu Rose khiah a ol te ding nan.

Veikhat ah ka rualpi pathum thawn na cakuat kan ngan.

Nan sangkate ihsin kan deng lut, na rak hmu maw? Asinan ka hmin ka rak nganlo.

Na theithiamlo ding…tu lawng ah ka lo sim lai….ningzak.

Kei tla nangmah ka lo duh vekin duhtu neive sehla cu maw…ka nuam ding.

Na mawi ka lo ti, ka lo biak duh nan,

Ka lo biak ngamlo, na pa lo tuk in ti ko ding, mi khalin in ti.

Na mawinak ka neh theilo, na mawi tuk.

Midang tla’n mawi anlo ti asinan mawi ka lo tibik,

Vangro bangin na mawi ka lo ti duh nan, na theithiamlo pang le pawilo maw!

Ka khawm tlung, zinkap ah an rak hnam aw, an pawm aw.

Ka daw ding na zum maw? Ka thin naa, mi pakhat si ve ih…

A thim lak, kan hawi phen ah “ka lo duh sawn” an ti lala.

Pomtu nei ve nungla, duhdawttu nei ve sehla,

Leitlun hi ka hrang ah “polluted” ka ti lo ding.

(Visited 70 times, 1 visits today)

Comments

comments

4 Comments

  1. Hi, ca ngan tu nan thiam tak ro ri ka ti.
    a ca ngan mi tla siar awl tuk ka ti
    na ca ngan mi hmuh ding ah kan
    hgnak

  2. aw ka lo zang fah na sa ,thu ka lo sut thei kem ,ziang ruang ah na biak ngam lo ,na pa lo ngai ,mai duh mi ziang ruang ah na biak ngam lo ,in sim thei pei maw .

  3. A mawi tuk ih ka biak ngamlo pi……………….

    Pa lo in ti hlah ka ti kha……………….

  4. Faizong par says:

    hi mi ca ngan tu hi nang mai tuar mi rori asi ah cun ka lo lungkim pi nasa. atu hnu cu biak ngam thlang aw mi nung asi ve ko lo maw?

Comments

%d bloggers like this: