Ka Kedam

10007515_10203417193849601_4250469374984223202_nUk Lian

Rualpipawlin “Na u le tei cun ziang an lo phurh?” tiah in sut. “Thupi lo tuk, kedam men” ka ti. Asinan, tuini ah thaṭeen ka ruat salih, kedam si rak thupibik tiin thu cemnak ka tuah. Khawte ih rak um dah ti cu, kedam loin caw ka rak khaal, kedam lo in sapeel pawl ka rak thlun, kedam loin tlang khat le tlang khat ka rak liam. Kedam loin tlangval ka rak thiam!

Ka upa deuh tikah, kedam ka duh ve tiin ka nulepa ka dil ih, khawmpi na zawh thei hmaisabik ah kan lo leih ding in rak ti. Kedam in leih veteen, ka ke fai zetin ka kholh. Lungmuat thabik pawl ka hmang. Ka muat ngah nak le muat ngah lo nak cu a lang zet thotho. Ka kedam leimi ka bun tikah tulai buut pawl hnakin ka rinsan aw sawn hokhaw.

Ka kedam neih hmaisabik cu tui zuk ih ka tarmi vek “Siin-Cee” kedam rori a rak si. San khat a liam hnu ah cui kedam pawl tla – laar thar salin ka hnenah a thleng leh sal tiin ka ruat. Tuini ihsin hi kedam pahnih cun rinum zetin ka fehnak kip ah in thlun thlang ding ih kei khalin ka theitawk suah in ka duat ve ding tiin thinlung tiamkamnak ka tuah zo!

(Visited 245 times, 1 visits today)

Comments

comments

Comments

%d bloggers like this: