Ka Hrangah A Mawi

December 29

Zarhte Ni

 

Ka Hrangah A Mawi

 

Bible Siar Ding: Isaiah 4:2-6

 

Tikcu caan a ra thleng dingih ramsung thingkung le rawlkung pawl cu Bawipa in a tumter dingih a mawiter ding.

–         Isaiah 4:2

 

“Mawinak (Beauty) timi cu a hmu thiamtu ih mit sungah a um.” Cumi cu hmun dang hnakin Jesuh Khrih ih nunnak sungah sullam a nei cuangce.

Profet Isaiah in Israel mi pawl ih Messiah ratnak ding thuhla ah thil umtu daan pahnih a kalh aw zikzik vekih a langmi a ngan. A pakhatnak ah, a timi cu, “ramsung thingkung le rawlkung pawl cu Bawipa in a tumter dingih a mawiter ding,” timi hi a si (Isa. 4:2). A neta sawn cu, “Bawipai’ duhnak bangtuk in a riantu cu thingkung bangin a kho, leicar lakih thing note bangin. Kan zoh duhnak dingah pianhmang tthatnak le mawinak a nei lo. Kan thinlung le kan mit in latu dingah mawinak zianghman a nei hrimhrim lo,” a ti (Isa. 53:2). Khuimi sawn so a dik ding?

A Rundamnak sungih tel lotu pawl hrang ahcun Jesuh cu hmuntin ih thusimtu, Pathian ka si a ti awtu pa ti lawng vial in an hmu.

Sualnak sung ihsin ruunsuakmi ka si zo ti a theifiang awtu pawl hrang ahcun Amah cu ziangtinkim hnakin a mawibik. A mawimi a Ttongkam in kan thlarau kumkhua nunnak in pek. A mawimi a Thiisen sunglawi in kan ai in awh sak. A mawimi a Thlarau Thianghlim in kan thinlung a luahkhat ih Pathian thawn rualremnak in neihter saal.

Chrisitan zate cu zaangfahnak ih rundam kan si, Jesuh Khrih cu a mawibik.

 

Bawi duhnung, Na Rundamnak ih mawinak in i kulhvel ih ka lungawi.

Nitin ka nunnak le ka fehnak kipah i Rundamtu Jesuh ih mawinak cu ziangti’n ka langter thei pei?

 

@Ava Pennington

Comments

comments

Comments

%d bloggers like this: