Ka Hnuk-ulh Ko I Tuahtu Tei Pahnih

download

Uk Lian

Leitlun hlasak thiam zuamawknak pawl ka zoh vivo mi lakah a hnuai ih ka nganmi pahnih hin ka mithli an haal ter men siloin ka thinlung mithli tiang an luang ter thei. An hlasak thiam ruangah siloin, an mizia le an thuanthupawl ngai harsa ka ti.

Minung cu kan lungawituk le riahsiatbik caan pawlah kan mithli a rak luang pang theu. Kei khalin, an pahnih ih lungawinak cu mithli thawn k arak lungawipi.

Korea Got Talent June 6, 2011 Zingkap Minung 

Hi nulepa neilo nauhak vakvai pa hin, “Korea’s Got Talent” ah a tel dingih minung siarcawklo lungzuur ko a tuah ding timi a rak ruat dah hrimhrim lo ding!

Inn neilo, zinkap minung, zunramtlannak hmun ih zanriak men theu, nitin eicawp ding zuarih khawsa men pa hin, hla tawite a sak tikah minung siarcawklo hnuk-ulh theh ko in a tuah.

Choi Sung-Bong kum 22 mi hin, hlasak zuamawknak ah tel dingih ca a theh luh mi ah “Innsang” timi ngannak dingah innsang/sungkua a neih lo ruangah a rak ngan lo tikah zohfeltupawl cun an sut ih “Ka nauhak kum 3 ka si ihsin nauhak nulepa neilo inn ah ka um ih vuakvelh le hmuhsuamnak ka tuarlo ruangah ka tlan ih, kum 10 sung lamzin kap, le inn sia pawl ah ka riak vivo ih tuini tiang ka dam” tiah a sim.

Kum 22 sung tlangval pakhat vakvai ih a umi thuanthu mipi hmai ih a sim tikah, mipipawl cu mangbang le khawruah harin an khat. A thuhla tawi famkim ih a sim hnu ah, hla tawite a sak. A sak lai ah zohfeltu pahnih ih mithli luang cuh mipi hmai ah an thup thei lo.

Amah cun hlasak thiam khalah a ruat aw dah lo, hlasak hi a nun ti hlimtu a si ruangah a sak men mi a si. A hlasak le a thuantu ngaitu pawl cu mithli haal ko a tuah theh.

Zohfeltu pakhat tla cun, “Tu ahhin ka lo pom duh ee” a ti. Hitawk ihsin mipi ih theihlaar zet le hlasak thiam tiah a hminthang cih.

Nulepa neilo, kum 22 sung tiang lamzin kap ih vakpa ih sunmang cu tu ah a kim ngah zo ih tuini ahcun hmun dangdang ah feh in rualpi tampi sarin leitlun nuamnak cu a tep so vivo thei a si.

Britain’s Got Talent 2013 Khawte Nu 

393489

Alice Fredenham hi khawte nu tiah ka zoh lai ihsin hmin ka pe. Zohfeltu pawlin “Na dam maw”? an ti hman ah, dam ti khal ngam lemlo in, dimten “aw ka dam” a ti. Amah hi fala kum 28 mi a si ih nauhak te cu a si lo nan, a mizia hi Lainu vekin ningzak nei zet vekin a lang.

Midang cu hlasak zuamawknak ih an tel tikah an rualpi lole an nulepa in an thlun theu nan, anih cu a nulepa a rualpipawl khal sim ngamlo in hlasak thiam tiih a zumawk lo ruangah a thupten zuamawknak ah rak telmi a si.

Ka hlawhtling lole, ka ningzak tuk ding ti a rak phang zet. Zohfeltupawl cun “Na ralrin asile sakaw le” an ti. Hla neemte, a mizia vekih neem, ‘My funny Valentine’ timi a sakih a sak theh ah zohfeltupawlin a sangsangten “Na thiam tuk,” tiah an lawm ih a lungzurin a tap rero. “Hlasak thiam menmen na si lo, nangmah ah thiamnak tampi a um” tiah an ti bet.

Comments

comments

Comments

%d bloggers like this: