Ka Hnenah Zir Uh!!!

KA  HNENAH  ZIR UH

Ro Khar Thang (Rtd)

Text :         Matt. 11 : 29 “Ka hnen ihsin zir uhla colhdamnak nan ngah ding”.

Thuhmai :  Hlanlai ah Gedion in  ka thu  a ngai ih ka tuah mi vekih  a tuah mi kha zohthim uh (Thuthen.7:17).Paul khal in, ‘ka tuah vekin va tuah uh’ ti ah a sim(Phil. 3:17). Tulai san khalah remnak le daihnak hrangah, cu pa ih ti dan, cu mi khami ih tuan dan thlun ding ti ah kan simaw celcel nan a ngaingai ahcun, ‘Remnak le Daihnak Bawibik”  JESUH  ih tuah dan lawng hi kan thlun tlak mi umsun a si.

Cumi pawl cu:-

1.Kum 33 a nun sung ah:

A nauhak lai:     A nu le a pa ih thu a  thlun. Kum 12 a kim cun zirhtu saya pawl thawn thu an rel tlang thei. Hnatuan a thok. Pa tling a si tikah:  Mina pawl damnak a pek.Tihal, rilrawng mi pawl khopkham ten a cawm. Satan ih tawntem mi pawl zangfahnak in luatnak a pe.

2.A nun sung ih a langsar zet mi a tuan dan pawl:

Tangdor nun a nei(Joh. 13:5) Dungthluntu pawlih ke a kholh sakih hrukpuan thawn a hnawt sak thluh.
*Misual pawlih hrangah a nunnak a pek. Cui duhdawtnak hnakih a tum sawn duhdawtnak dang a um thei nawn lo. (Joh. 15:13).

3.Bawi Jesuh ih ‘ tuah dan’ le a  hlawknak.

*Misual a si mi, minung le Thianghlim famkim Pathian cu hmunkhatte ah kan pawlkom aw thei zo. Cumi cu remdaihnak ngaingai kan ti mi a si.(Kol. 1:20-21)
*Minung le minung lakah khal remdaihnak kan ngah theinak dingin, ralthuam hmangih rapthlak zet ih do awknak si nawn loin, Khrih ih nunnem zaidamnak ‘DAN’ hmangin remdaihnak ngaingai cu kan tuah thei zo.(Matt. 26:52).

Thu  kharnak :   Bawi Jesuh ih ‘tuan dan, tuahdan, nun dan’ pawl thlun ruangih kan co ding mi remdaihnak ngaingai cu hi lei par kan nun sung lawngah si loin, kumkhua kan umnak hmun tiangih remdaihnak, kumkhaw tlaitluan, sanmureng remdaihnak a si.              Amen.

(Visited 23 times, 1 visits today)

Comments

comments

Comments

%d bloggers like this: