Ka Bawipa le ka Pathian

July 31

Zarhte Ni 

Ka Bawipa le ka Pathian 

Siar:

Johan 20:19-29 

Thomas in, “Ka Bawipa le ka Pathian” tiah a ti.    – Johan 20:28 

Kum khat Sung Baibal:

–   Saam 54-56

–   Rom 3 

Jesuh cu thawhsaal ni ah a dungthluntu pawl hnenah a lang ih an khennak a kut le a ke pawl a hmuh hngai. An zum thei thotho lo, an lung a awituk ih an mang tla a bangtuk fawn (Luka 24:40-41). Culai ah Thomas cu dungthluntu pawl hnenah a um lo ruangah a mit in a hmuh hlan lo cu a zum thei lo. Jesuh cu Thomas hnenah a lang saal ih, a kut le a hnak fei ih an sunnak hma a thamter tik lawngah Thomas in, “Ka Bawipa le ka Pathian” tiah a ti (Johan 20:28).

Paul khal in Filipi kawhhran ih zumtu pawl hnenah, “Jesuh cu ka Bawipa a si. Ziang hmuahhmauh hnakih a sunglawi sawnmi ka Bawipa Khrih Jesuh ka theih ruangah thil dang ziangtinkim hi sunnak pittawp ah ka ruat a si” a ti (Filipi 3:8).

Nang le kei in Jesuh ih thli sia a daihtermi kan hmu dah lo, mithi a thawhter khal kan hmu dah lo, Galilee tili kiangkap ih thu a zirh lai khal ah kan hmu dah lo. Asinan kan ai ah a thi ih kan thlarau nun in rundam a si ti kan thei. Curuangah Thomas, Paul le siar cawk lo zumtu hmasa pawl vekin Jesuh cu kan Bawipa a si tiah kan cohlang thei a si. Jesuh in, “Keimah i hmu lo nain i zumtu cu mi thluasuak an si” a ti (Johan 20:29). Kan zum taktak ahcun kannih khal Jesuh cu, “Ka Bawipa le ka Pathian,” tiah kan ko thei ve ding a si.     –Dave Egner

Zoh hnik, a lu, a kut le a ke ih thiisen,

Riahsiatnak le duhdawtnak in a luang;

Riahsiatnak le duhdawt a kom awmi,

Hling cu a sunglawimi lukhum ah a cang.   – Watts.

Amah cu kan mit rori in kan hmu lo nain,

kan thinlung in kan Bawipa a si ti kan zum.

 

 

Comments

comments

Comments

%d bloggers like this: