Ka Awlawk Na Tisawng

Ka Awlawk Na Tisawng

By- Sai Lian Thang

Kan nauhak lai ah Faizawng kung par kai in Salai M hla kan rak sak theu. Cumi lakah Salai Sui Nei Thang ih ” Ka nunnak par mawite” timi hi nauhak tualleng kan si lai ihsin kan rak duh bik. Nauhak upa ti um loin kan uar ttheh cu a si hmang. A rak tha em si!

Salai SunCeu ih hla pawl khal ngai khawp ti a um lo. A aw a tha si, hlapuah a thiam. Kawlhla a sak mi pawl tla cu an mah kawl ngaingai pawl ih an sak mi kawlhla hnakin Sun Ceu ih sak mi hi ngai a nuam deuh.

Tulai santhar ahcun Salai Tuan Ling Thang hi a uar um rori si. Ka rualpa in a VCD zoh khawp thei lo ih ” Salai Tuan Ling Thang cu na va uar awm ve ” tin ka sut. ” Ka zoh rero ih a aw cu tha ka ti lemlo nan an lemcan dan ka uar tuk, cule a aw khal ka ngai rero ih in suai deuhdeuh” a ti. Asi, Salai Tuan Ling Thang ih “Ka Awlawk Na Tisawng” cu a ropi dupdo rori. Leitlun Laimi a tlir in a tlir thei. Na rak lei ngah lo ih na zoh ngah lo pang a si ahcun nangmah le nangmah Laimi sinak ihsin na suah awk tluk a si.

An hmel ka hmuh dah lo mi Alfred Paro, Dr. No Than Kap, Ngepi tei pawl tla ka rak hmu thei. Cun, hlaphuahthiam San No Thuan ih phuah mi khuatehla an vawn sam vungvo pawl tla kha a mak pam si, ropi rapthlak..sankhat nun ah nuam dutdo ee.

Ram dang um ih fanau nei hrangah tla cun ro thil vekin kilkhawi ding. Kan Lai dan le kan Lai nuntu khawsakdan a tel kim ttheh. Kan fa le pawl thuanthu kan sim tikah himi VCD kan piah cih a si ahcun an fiang zet ding. A hla sakmi hlafang lakah ka duhbikmi pakhat cu “phun u kan si” timi hi ka lungkim tuk. Laimi hi miphun U kan rak si, Pathian ih in pek mi kan thluak ( IQ ), kan pianzia le nuncan ziaza pawl hi a rak sang tuk. Laimi kan mah le kan mah miphun U kan si ti kan theih awk ding a cu tuk.

Salai Tuan Ling Thang hi a tlangval no deuhdeuh. Tuihnu khal ah VCD, Laihla tampi phuah in kan Chin nun ti mawi phawrhsuaktu le cawisang tu a si vivo lai ding. Hitivekin kan nun phung ngaina le kan anka cawisangtu Salai Tuang Ling Thang hi cawisantlak mi ropi pakhat a si. Ka Awlawk A Tisawng rori. Chinmi tuahmi VCD hmuahhmuah lakah No.1 a ngah ding ka zum.

Comments

comments

One Comment

  1. Hi hla hi kei khal Yangon um ka si nan ka lei lo kan dung nai te ah Pa Tuan Ling Thang tei inn ka va leng ih ka va lei ve.
    Tha ka ti zet, Ka fa le pawl in lai hla kan ngai paih lo in ti, Si lo nan zoh kei a tha so khaw ka ti ih, kan vun ong ngaingai cu An duh zawng te nau hak hla a rak um. Tu hlan ih kawl hla au rero kha hi Pa Tuan Ling Thang ih hla VCD ruang ah “Tan Rual cu Cah nak” ti in kan inn sang khal ah lai hla te an au ve nasa. Cui ruang ah hi ti vek in tuah sak tu Pa Tuan Ling Thang par ah lung awi nak tampi ka nei asi.
    Hi a VCD sung ah Kan nung phung ziang kim a tel asi ti khal kafa le in an theih vek in midang hrang khal ah tefa ro sim sawng awk ah cang hranm seh law.

    Hi ti vek in Ram hla pawl hi tampi neih thei zuam sinsin uh law Thang thar No Nawn pawl in.

    A hnuaiah Duh thu sam

    Khua hlan Salai M hla pawl kha VCD tuah thei um hram seh la.
    Ram hlan hrimhrim a hrang ten VCD nei thei seh la

    Hi duh thu sam ka sam mi asi

Comments

%d bloggers like this: