Justin Biber Ih Music Video Channel Thar ‘Juicebox’

justbie.com | January 4

Kum 10 ihsin kum 20 (teenager)  lak ah cun Justine Bieber hi a larbik kan ti khal le a sual lem ding ka zum lo. A mah ngainatu pawl khal a tamsawn cu thangthar tete an si ih a mah vek ih thangthar zaihla lam ih pumpeaw tam zet lak ah cun mi hlawhtling zet pakhat cu a si hrimhrim.

Cuvek ih thangthar zaihla lam ih pumpeaw zet pawl hrangah music industry lam khal in thangthar hi vek pawl hrangah theitawk ih bawmnak an pek ruangah hivek dinhmun an thlen theinak san a si ti cu kan rel a tul lem ding khal ka zum lo.

Bieber vek in lar hleice lo hman sehla teenager hlasak thaim pawl : Cody Simpson, Miley Cyrus, Taylor Swift, etc. pawl cun music industry hrangah hlawknak tamzet an thlen ruangah music industry thuneitu lam cun a bik ih thangthar pawl hrangih music video Channel tawlrelsak an duh thu contracmusice.com pawl hnenah na sim.

Hi Channel thar, Bell Media’s Much le MTV stations kawpaw ih an phosuah ding mi music-video channel thar cu ‘Juicebox’ ti ih hmin pek a si ih hi Channel cu kum 8 ihsin 13 lak thangthar tete pawl hrangah a bik ih tawlrel a si vek in an hrangih siatnak um lo ding ih fimkhur zet in Channel ih programme pawl khal tawlrel sak an si thu khal a sim tel.

Bell Media ih music le entertainment lam thuneitu, General manager le vice-president cun, “Hi music-video channel thar kan phosuah ding mi ah cun a bik in Justin Bieber ih hla pawl le a hla thar suak leh dingmi pawl hi an si deuh tlangpi ding. Ziangahtile Bieber ih hla pawl hi teenager pawl zoh le ngai ding ih milaw zetmi an si. Tulai hlasakthiam lar zetzet pawl ih hla thenkhat khal zohhliah in a zohtu ding pawl hrangih siat nak a um lo mi a si ah cun kan tel ve ding” tiah a sim tel bet.

Cuti a si ruangah hi music-cideo channel thar, ‘Juicebox’ cu Justine Bieber hrang liolio ih tawlrelsak vek a si kan ti thei ding ih mi tam zet cun ‘Justic Bieber’s Music Channel’ tiah a hmin an pek.

(Visited 158 times, 1 visits today)

Comments

comments

Comments

%d bloggers like this: