Junta in Daan bulhrampi pawmfel

16|May : Kawlram Ralkap miuk cun May 16 niah Kawlram Danbul hrampi cu mipi ih ramthukhelnak ih thu relvenak an tuahnak ih zirin pawm a si thu a puang.

Hi nemhngetnak cakhum cu zatek 92.4 tluk siin mi million 22 lenglo vote thlak dingih siannak, kan dungkar zarhte niih an tuahnak in rah suah a si tiin Aung Toe, Referendum Holding Committee ih lubik cun ramsung radio ah a than.

Ralkap miuk Junta cun kum 2010 ah mipi thlan awknak a um ding tiin a puang. Hi nemhngetnak cakhum ah cun rorel innpi ih zatek 25 tluk cu Ralkap hmun a pe ih President in ramthu buai hruaknak thu ah cun Ralkap hnenih huham pek theinak nei dingin a um.

Hi Danbulhrampi cun Nobel Peace Prize laureate Aung San Suu Kyi, cu vantlang mipi hrangih zungsang ih tuan dingcun a khamding. Ralkap miuk cun 1990 kumih mipi hrilawk nak ih a nehtu NLD party cu a tawm pi lo.

Aung Toe cun midang mi million 5 lenglo, Irrawaddy delta ih harsatnak tuar pawl cu May 24 ah Rangoon ah vote dingin sian an si a ti.

Mipi vote thla tu pawl cu hringhro ih an umthu khal ramsung thuthang thiam cun a sim. Kawlram Magazine zohfeltu pakhat ih atheih mi ahcun mipi vote thlak cu a zalen in a dik felfai lo a si a ti.

Vote thla tu dingin mai duhduh ih vote thlak ding ti si tho siin, daan lo vekin mipi cu vote thlak tir tho tho a si tikhal cun a ti bet.

Thlisia ruangih nasat zet ih a nuainak hmun 2 cu May 24 ah vote thla dingcu an si konan, an ni vote thlak mi cun a tidanglam ciamco ding cu zum a um lo zet.

+++++++++++++++++++++++++++++++++++++++++++++++++++
(Visited 31 times, 1 visits today)

Comments

comments

Comments

%d bloggers like this: