Julian Assange British Police Kut Sungah Pelut Aw Ding

Julian Assange British Police Kut Sungah Pelut Aw Ding

Theiciozo vekin US ralkap leh US Policy thuthup mipi vangtlang thei dingih tarlangsuak thluhtu Wikileaks Website neitu Australia mi Julian Assange cu British Police kuah a pelut awding tiah a mai Lowyer Mark Stephens cun a sim. Himi Website hi tuihlan ihsin US ralkap pawlih raldo nakih an mihrem dan rapthlak zia leh an raldo tum vivo dan leh US Cozah thiltum mi pawlkhal mipi theihthluh dingah a tarlangih, cumi hnu tihni sun khalah US leh NATO in Europe khawmual ram pawl Russia in a tibuailo nak dingih kilhim an tumnak thuthup pawl a tarlangsal.

Himi Website hi Poland ih tlunah Baltic tipi thuanthum kap tluanih ram dangdang pawl Estonia, Latvia,  leh Lithuania ram pawl  Russia in a tibuai lo nak dingih kilhim an tumnak thuthup pawl US leh NATO ram hotu pawl in an reltlang mi 100 lenglo  pawlkhal a tarlang ciamco ruangah US a thin a hengzet.

Himi thuruk a tarsuak mi lakah  US Secretary of States, Hillary Clinton leh NATO ram hotu pawlin tuikum January thlaih Poland leh  Baltic ram pawl kil him danding thuhla an relmi pawlkhal a tarlang. Himi thuthup tarsuak mihin US, Russia leh NATO rampawl karlak a tisiatzet dingih ruah a siih, cumi ih hleiah himi Website hi  US leh NATO in ralthuam thuhla ih rualrem awknak thutiam an tuah micu Russia hrangih thil tthalo zet a si ruangah  tarsuak ngam a silo timi khal a nganbet laiih, Curuangah himi thuruang khalah NATO leh Russia karlak hi a tisezet dingih ruah a si.

Tui naite hrawng ihsin US leh Russia karlak boruak hi a thazet vekih ruah a siih, Asinan  NATO Member ram dangdang pawlhin Russia hi an zum taktak thei hrihlo ih, Curuang Baltic ram dangdang pawlhin an ram pawlhi Russia inn a kut hnuaih ret a tum maiding tiphangin an ralring- ringring. curuangh US hin Poland leh Baltic ram pawl kilhim nakding hi a tawlrelpi ringring nak a siih, Himi thuthup hi US cun Iran lamtang Russia ih theihphangin a thup rero nan  Wikileaks Website cun a tarlang ciamco thotho a si.

Himi Website neitun Julian Assange hi tuihlan ihsin US cun a hua zetih kaih a tum ringringnan kaih nakdingthu a suah ngaingai hrihlo ih, tuittumih  kaihnak ding thu an suah mikhalhi himi US ram thuthup pawl a phuansuak ruangah silo in  Sweden ram mi nunau pakhat a sualpi ruangah hi nunau in taza a cuaiih, curuangah himi a thubuai relaw fiang dingih British Police kutah a pelut aw ding a si.

Nobel Peace Prize Pek Nak Ah Ram 18 in Tel Tum Lo

Tuikumih Nobel Peace Prize ngah dingih Norwegion Nobel Committee in a hril suakmi China ram mi China Cozah dodaltu China Cozah in thawng Inn sungih a khum laimi Liu Xiao bo cu tuizarh tlawngkai ni 5 ah khin  Nobel Peace Prize laksawng pek a si thlang dingih,  himi laksawng peknak ah China leh a rualpitha ram 18 pawlcu tel an tumlo tiah Norwegion Nobel Committee cun mizan sunah a puang.

Himi Nobel Peace Prize laksawng peknak ih tel tumlo ram pawlcu Russia, Kazakhstan, Colombia, Tunisia, Saudi Arabia, Pakistan, Serbia, Iraq, Iran, Vietnem, Afghanistan, Venezuela, Philippines, Egypt, Sudan, Ukraine, Cuba, leh Morocco ram pawl an si.

(Visited 45 times, 1 visits today)

Comments

comments

One Comment

  1. Pingback: Tulai Leitlun Hnin Tertu : chinlandtoday.info

Comments

%d bloggers like this: