Julia Fiona Roberts Hi!

Julia Roberts ih hmin ngai cu Julia Fiona Roberts a si. TV ih azuknung pawl ka zoh ngah caan ah mawi le cangdaan thiam ka ti thei tukih a thuhla ka zingzawi nasa. Ani hi October 28, 1967 ah a suak. Romantic comedy pretty woman timi zuknung acan ruangah leitlun mipi tamsawn zikte in an theihphah ih million $464 lenglo a hlawhcih. Kum 2001 ahkhan zuknung cangthiambik nunau an hrilnak ah pakhatnak a ngah.

A thangso vivo ih laksawng a phunphun adawng ih zuknung hotupawl cun billion $2 lenglo an pe. Cutin 2002-2006 ah zuknung cangthiam nunau ah hlawh tampi tiang in a si phah. Leiltun mi mawibik 50 thlannak ah khal mawibik lam pang tiah a tel ve.  2001 lai ahkhan nunau thil ti thei le theih larbik 11 ngah a si ban.UN thawn khal hnatuan a nei ih mirethei harsa khal tamzet a bawm bet. Tui zarh sung leitlun mi mawibik hrilnak ah pakhatnak a ngah lala.

Kawlram Thu Ah US Palai Beidawng

Kawlram ralkap hotu officerpawl cun an tonak nuamzetpawl an suahsan cupco thu le an thuneihnak amal vivo thu an phuang. Culawngsiloin a rei hlan ih hrilawknak neih ding thu ah Than Shwe khal a thin nasa zet in a har thu an tarlang bet.

Burma ram mipi ih hngahhlap zetmi kum 2010 hrilawknak ding ni le thla a nai vivo ruangah mipi cu itthat theilo le hnakdo in an um. Ni 9 May 2010 ah U.S. envoy Kurt Campbell cu kawlram hrang ah thil malte tal ka tuah thei pang ah ti lungput nei in a suk sal. Ralkap hotu pawl le thuneitupawl a hranten hmaitawnnak a neih hnuah pibik Suu Kyi thawn nazi 1 lenglo sung thureltlangnak an nei bet.

Senior NLD member Win Tin cun Campbell hnenah Washington lam ihsi kawlram  sumpaileilawnnak ah khuahkhirhnak nasazet ih pek ding a duhthu a sim bet. Campbell khalcun kawlram hrang nasa zetin Washington lam in tan an lak thu a sim ve.

Suu Kyi in Campbell a tawn zikah guesthouse tiang ralkappawl in an thlah ih cutin thurel tlangnak an nei. Asinan, Kawlram khumpinu cun tuini tiang hrilawknak ding hrang a ni thla a sim duhlo. Campbell cun felfaite ih hrilawknak an tuah thei nak ding ah nasa zetin Washington lam ih an duhdaanpawl a simfiang. A nikhat sung tawnmi palaipawl le Suu Kyi ih thurelmipawl a ruah tikah Campbell cu a thin nuamlo ngaingai.

(Visited 36 times, 1 visits today)

Comments

comments

Comments

%d bloggers like this: