JUDAH, MUSLIM & KRISTIAN Khaikhinnak

JUDAH, MUSLIM & KRISTIAN khaikhinnak

Calettu: B. Lallianthang

Hi thu ngantu Dr. Farrukh Saleem ti mipa hi Pakistan thluak bawmpi (think tank) mifim hminthang le Center for Research and Security Studies (CRSS) ih an Executive Director  le freelance Journalist khal a si. Dawn (Pakistan) Vancauver Sun & Far Eastern Economic Review (Hongkong) khalah Columnist a ttuan ttheu. Muslim khawlipi Islamabad ah fanu pahnih le fapa pakhat thawn khua an sa ih Muslim mumallonak thu a ngan ngam mi hi, thih a ngam tinak a si. Asinan, zohmanin an report lo riai! Thu dik a ngan sisi maw an ti! A ca hi siar a manhla tuk ruangah India Today ih an suah vekin ka rak let ve mai ih kan thlalang ciau ah cang thei hram seh law.

Leitlunah Judah hi Million 14 an um ih America ah million 7, Asia ah million 5, Europe ah million 2, Africa ah tingkhat an um. Muslim an tamtuksawn. Muslim 10 ah Judah I tluk fang an si.

Milai harhdamnak hrangih Judah-pawl ttuansuah tamdan hi na ruat dah maw? Benjamin Rubin cun sidawhnak tthimte (Vaccine)a hmusuak. Jonas Salk cun Polio Vaccine a tuah hmaisabik ih Albert Sabin in a sunzawm. Gertrude Elion cun leukemia donak si a hmusuak. Boruch Blumberg cun Hepatitis B Vaccine a tuahsuak. Paul Ehrlich cun Syphilis si a hmusuak lala. Leitlun pum huap ih thil ropi hmusuaktupawl cu:- Aaron Pincus ti mi in (cognitive therapy), Gregory Pincus ti mi cun (fa phihnak si), William Colf ti mi khalin (kidney dialysis machine), tla hi an tuahsuak thei.

( leitlun ih Nobel Prize dawngtu za ah 90 hi Judah cithlah an rak si ziarzi).

Kum 105 a liam zo mi ihsin Judah milion 14 sungin leitlun mipi hrangih thil ttha tuahtu ti mi Nobel Prize dawngtu 15 an rak um zo. Muslim billion 1.4 sung ihsin Nobel Prize dawngtu cu pathum lawng an si.

Harhdamnak lam lawng si loin, mi hmuahhmuah ih nitin kan ttul mi khal hi Judah-pawl ih tuah mi an si. Stanley Mezor ti mi in (micro-processing chip) a hmusuak. Leo Szilard khalin (nuclear chain reactor) a tuah. Peter Schultz in (optical fibre cable) a tuah. Charles Adler cun (traffic light)a hmusuak. Benno Strauss in (Stainless Steel) a tuahsuak. Isador Kisse khalin (Sound Movies) a tuah. Emile Berline cun (telephone microphone) a hmusuak. Charles Ginsberg khalin (video tape recorder) a tuahsuak.

Juda & Muslim

Politics leilung zoh hrih sehla:
Henry Kissinger cun (American Secretary of State) a ttuan.
Alan Greenspan khalin (Clinton le Bush thawn Fed chairman) a ttuan.
Joseph Lieberman cu (US Senator) rori a si.
Madeleine ALbright khal (American Secretaryof State) a si ve.
Casper Weinbeger cun (AMerican Secretary of Defence) a ttuan.
Maxin Litvinov khalin (USSR foreign Minister) attuan.
David Marshal cu (Singapore chief MInister) hmaisabik a si.
Issac Isaacs khal (Australia governor-general a si.
Benjamin Disrael asile (Britist ramih canganthiam hminthang, thu le hla thiam miropi a si).
Yevgeny Primakov khal le (Russian PM) rori a si ve.
Barry Goldwater asile (US Senator) bak a si.
Jorge Sampaio cun (PortugalPresident) a ttuan.
John Deutsch cu (CIA director) a si.
Herb Gray khalin (Canadian Deputy PM) a ttuan.
Pierre Mendes cun (French PM)a ttuan.
Michael Haward cu (BrististHome Secretary) a si.
Bruno Kreisky cun (Australia Chancellor) a ttuan .
Robert Rubin khal (American Secretary of Treasury) a si.

Sumdawnnak lamah:

Leitlunpum huap mi hmuahhmuah tthatnak ding hrangih sumdawnnak hmusuaktu mihminthang 9 tla cu Judah-mi thotho an rak si.

Cuihsin, leitlun thuanthu ih um dah kel lo mi, midang hrang tthatnak ding ih tangka thawh tambik cu, Judah-pa George Soros a si ih $ billion 4 tiang a thawh. Tangka hi leitlun pumhuap Scientist-pawl le University-pawl bawmnak ah an hmang. A pahnihnak ih thawhtambik khal Judah pacang, Walter Annenberg a si ih, $billion 2 rori a thawh ve.

Media lampang ih ropi bikbik khal Judah hlir an rak si ih (CNN), (ABC News), (Washington Post), (Editor-in Chief Time), (The Washington Post Publisher), (New York Times Executive Editor), (New York Time) tipawl tla hi an si. (Calettu in an hmin ka ngan lo).

Leknak lam asile, Olympic Gold Medal 7 rori awrhtheitu Mark Sputz le gold medal 3 dawngtu LennyKreysel si seh Tenis thawithiam Boris Becker tipawl khal hi Judah thotho an si.

Cuisin, zuknung ih lem cawng lampang khalah leitlun ih hminthangbik Hollywood khal hi Judah-pai’ hmuhsuah ti theih a si ih hleiah Director lam le Producer lam ih lubanpawl hi Judah-mi an si. Leitlunpum huap ih zuk nung/lem cawng (actor, actress, film star) hminthangbik milai 18 khal hi Judah an si.

Juda & Muslim

Washington hi America ih khawpi pawimawh umnak hmunpi a si ih, cutawk khalah thiltitheibik cu The American Israel Public Affairs Committee (AIPAC) an si lala. ISrael PM Ehud Olmert hin, “leilung a hlûm lo, a phêng a si,” ti sehla, AIPAC hin US Congress hnenah Israel PM ih thil hmuhsuah tharmi hi an nemhngetter thei cih ding.

Asile, zo si leitlun ih thluak (IQ) ttha/sang bik? IQ 250-300 ih thluak ttha le sâng neitu cu James Sidis a si, Judah pa thotho.

Judah-pawl an cahnak san bik cu ZIRNAK (Education) ruangah a si.

MUSLIM-PAWL IH CAHLONAK SAN kan zoh ve pei:- Hih leilung (planet) ah hin Muslim 1,476,233,470 um ih rel a si. Asia ah billion 1, Africa ah million 400, Europe ah million 44, America ah million 6 an um. Leitlun milai 5 ah 1 hi Muslim an si. Muslim 100 ah Judah 1 tluk fang an si.

Tuluk Shanghai khawpi ih Jiao Tong University cun leitlun ih University ttha 500 an hrilnak ah Muslim University pakhat hman a tel lo. Organisation of Islamic Conference (OIC) ah hin ram57 an zawmkhawmaw ih University 500 annei. Muslim milai million 3 ah University 5,758 a um ih India ah 8,407 a um.

UNDP (United Nations Development Programme) in an data lakkhawmmi ih a langdan vekin, Kristian tamsawnnak ram ah cun ca ngan/siar thei 90% an si ih, Kristian tamsawnnak, ram tampi ah cun ngan/siar thei hi 100% an si thei.

Asinan, Muslim tamsawnnak ram ah cun ca ngan/siar thei hi 40% hrawng lawng an si ih, Muslim State khui tawk khalah ca ngan le siar thei 100% umnak a um lo. Kristian tamnak ramih ca ngan le siar thei 98% tla cu Primary tlawngih zirsuak an si. Muslim tamnak ramih ca ngan le siar thei 50% lawng Primary tlawng suak an si fang. Kristian ramih ca ngan le siar thei 40% cun University an thleng ih, Muslim ramih ca ngan le siar thei 20% lawngin University an thlang ceu.

Muslim tamsawnnak ram ah cun Muslim Million 1 ah Scientist 230 um tluk an si nan, USA (Kristian) tamnak ah cun milai million 1 vivo ah Scientist 4,000 an um thei. Arab ramah hin research lamih cân pumhlum hmangaw cu 35,000 lawng an si ih, Arab million 1 sungah technician 50 um tluk an si. Muslim-ram ah cun research & development (tthansonak le fim zirnak) hrangah tangka hi 0.2% lawng an hmang ih Kristian tamnak ram ah cun 5% lai an hmang.Ziang so maw kan rel duhsan?Muslim rampawl  hin theihnak (Knowledge) an tlasam a si.

Muslim-pawlih Ca Siar Lodan Cu:

Pakistan milai 1,000 in thuthangca 23 ttawmaw vek an si nan, Singapore asile, mi 1,000 in copy 360 ttawmaw tluk an si. UK asile, milai million 1 hrangah cabu 2,000 um vek a si ih, Egypt ahcun milai million 1 in cabu 20 ttawmaw fang an si.

Ziang si kan sim duh mi?

Muslim rampawl hin theihnak (Knowledge) an tlasam a si.

Thiamnak sâng (High technology products) ram lenglam ih thilri kuatsuahnaklamahSaudiArabiacu0.3% asi ih cuvek thothoin Kuwait, Morocco le Algeriapawl khal hi 0.3% lawng an si. Pakistan cu1% a si fang. Singapore isin thiamnak sâng hmangih an kuatsauhmi 58% lai rori a si.

Ziang so kan rel duhsan?

Muslim ram hin theihnak hmansuah lamah (applying knowledge)an tlasam a si.

Leitlunpi hi theihnak ih tthumawmi Society-pawlih roconak ding hmun a si laiah Musli-pawl cun theihnak kan thehdarh loih, theihnak kan hmang lo ih, theihnak kan sarsuak lo ruangah kan cak lo nasa tuk a si.

Hminsin tlak bik thil pakhat cu, Muslim ram telkhawmaw (OIC) ram 57-pawlih tuahsuak mi zate kawmkhawm hi $billion 2,000 a si laiah America lawng ih tuahsuakmi cu $ billion 12,000 rori a tling thei. Tuluk in $ billion 8,000, Japan in $ billion 3,800, German in $ billion 2,400 hrawng an tuah ciau. Leilung hriak (oil) ih milian maksak Saudi Arabia, UAE, Kuwait le Qatar pawl kawmkhawm in $ billion 500 an ttuansuak ih Spain lawng ih ttuahsuahmi cu $ billion 1,000+ a kim thei. Catholic Poland cun $ billion489, Buddist Thailand in $ billion 545 an ttuansuak.

Cuticun, Muslim hlawhsamnakbik a san cu THEIHNAK (knowledge) a tlasam a si. Hivek ih a cangtertu cu zirnak/fimthiamnak (education) an tlaksam ruangah ti a fiang. Hivek phisinnak dingah sunvu roriin Allah (muslim pathian) kan ko ciamco ih kan hlawhsamnak pawlah mah-lam hmuah mawhthlukaw duh si loin midang kan puh men a rak si.#

Calettui’ Thu bet:

*Tulai Tuluk ram tthansonak san bik cu a hmin ah knowledge economy tiah hmin an peawaw.

*Thlarau lam lawnglawng buaipitu Tibet cun politics a ngaihsak lo ruangah Tuluk in a nehkhuh    (assimilate) rero thlang a si hi.- Richard Wumbrand (The living Martar).

Bet: Rihli ta lakmi a si.

(Visited 77 times, 1 visits today)

Comments

comments

3 Comments

  1. Thatuk…Fimthiamnak kan tul ve tuk Chin pawl khalin….

    Pakhat ka run bet : Tulai Mino tampi ih kan uarmi le Leitlunpi mikip thinlung latu Facebook tuahtu Mark Zuckerberg tla Judah miphun thotho, a Nu le Pa khal. Jew (Fimthiamnak ngaina le Pathian ttihzahtu) miphun cu an tawk taktak…..

  2. Theihnak in milai kan nung in tuah danglam theu vekin na ca nganmi siartu pawl khalin sim in rel lo hman hai sehla tampi hlawknak an ngah ko ding. Thu dang thatha khal kan tong thawn in let sak sinsin thei dingah duhsaknak ka lo hlan. Lungawi tuk.

  3. lairawnsuakzahau says:

    thil tha tak NEWS a si …
    Fim thiam nak zir thei hi atha bik asi ,,,,
    Ka lung a fim dur do ..
    Lungawi …..

Comments

%d bloggers like this: