John Ih Thu Ciingmang Uh

November 4

Tlawngkai Nili

John Ih Thu Ciingmang Uh

Siar:

2 Siangpahrang 5:1-15

Atu cun Israel ram ih Pathian siar lo leilung tlun khui tawk hman ah Pathian dang a um lo, ti ka thei zo. 2 Siang. 5:15

Kumkhat Sung Baibal:

–   Jeremiah 32-33

–   Hebru 1

John cu mi tangdor, ca thiam lo a si. Sikhalsehla Pathian in Mozambique ram ih remdaihnak thoktu dingah a hmang. A hmin cu khui tawk zung ca sung hman ah  nganmi a um lo; a tuahsuakmi cu a theih vevemi Kenyan ram palai Bethuel Kiplagat le Mozambique rammi pakhat tong aw ih thurel thei dingin a tawlrel. Cuih ton awknak ruangah thil cangmi cu kum hra sung ramsung raaldo awknak ihsin remdaihnak sachuk tuah theinak a thlenter.

Cuih ttum ih a hmuhtonmi ihsin palai Kiplagat in mikip hi ttihzah upatnak pek thiam ding a thupit daan a zir ngah ih, “Mi pakhat hi ca thiam lo a si ruangah, mirang, midum, numi, kumtar le mino a si ruangah va hnong hlah. Hmuhtonnak hmuahhmuah hi an thupi thluh, curuangah kan thupiter ding a ttul. Na hrangah ziang thuhla a um ding ti na thei lo,” a ti.

Bible in himi thu a fiangter. Naaman cu Siria ram ah raalbawi upa mi thupizet a silai ah ttihnungza pharnat a nei. Israel ram ih an kaih ngah mi an hnen-um nunau nute in Naaman nupi hnenah a pu ih pharnat hi Israel ram ih ummi profet Elisha in a damter thei ding thu a sim. Naaman in cuih an hnen-um nunau nute ih thusimmi cu a lung ih a sim vekih a tuah ruangah pharnat tuarnak ihsin a dam ngah ih hlei ah a nungmi Pathian dik a thei ngah (2Siang. 5:15).

Pathian cun A thungai duhtu mi tangdor mi malte hnenah thu a sim ttheu. Pathian aw thei dingah mi nauta pawl ih thu va ngai aw.   – Julie Ackerman Link

Pathian in mi menmen pawl a hmang ttheu,

A tumtahmi kimternak dingah;

Ziangahtile tangdormi thinlung a ttul,

A duhnak tuah suak dingah.  – D. De. Haan

A danglamzetmi tumtahnak tuah suak theinak dingah

Pathian in mi menmen pawl a hmang ttheu.

Comments

comments

Comments

%d bloggers like this: