Job Ih Dinpimi Thuhrampi

July 3 

Tlawngkai Ninga

 

Siar:

Filipi 4:10-13

 

Cutikah Job in, “Nunau aa vekin na ttong a si cu! Pathian in thil ttha in pek tikah kan lung a awi. Harsat kan ton tikah ziangah so kan phunzai rero ding?” a ti. Hitluk in a tuar nasa nain Job in Pathian parah ttong sia kam khat hman a ttong lo.  – Job 2:10

 

Kumkhat Sung Baibal:

–   Job 25-27

–   Tirhthlah 12

 

Ka nupi in Director of Special Education hnattuan a cohlan tikah kan pahnih hnattuannak hmun karlak ah inn tthawn awk ding kan tum.

 

Kan inn zuartu puaisa in zuar khawng lohli ding a zum lo. Nangaipi in thla kan cam hnu ah mi ih lei hahio si dingin kan thianhlim ttheh ih cucun zarh thum hlan ah kan zuar ngah.

 

Thilri thluasuah kan co hi ka phuhrung aw ttheu. Leitlun ah kan ttulmi le kan haimi thil a tamtuk lai ah ziangruangah inn pakhat zuar ngah dingin Pathian ih bomnak cu kan beisei rero? Job in, “Pathian in thil ttha in pek tikah kan lung a awi. Harsatnak kan hnen ih a thlenter tikah ziangah so kan phunzai rero ding?” a timi ka vun mang duak saal.

 

Hih Bible caang hi beidon tikah siseh, thluasuah kan don ih kan lungawi caan ah siseh, a dikmi thuhrampi a si. Paul in tlasam ih ka um ah siseh, neinungzet ih ka um ah siseh lungawite ih nun daan thuthup ka zir ngah zo a ti (Filipi 4:10-13). Pathian cun ngah tikah siseh, sunral caan ah siseh, lungkimte ih um thiam dingin zirh in duh. Ziangvek thuhla khal ah Pathian hnenih lungawithu kan simnak in Pathian ih Cungnungbik sinak kha a phuang suak ih kan zumnak khal a cawm.

 

Kan lung a awi, Bawipa,

Kan fehnak lamtluan ah thluasuah in pek;

Kan lungawinak si ringring hram seh,

Nitin te lo thangtthat dingah.

 

Bawipa in i pek ih Amah in a laak saal,

A hmin cu thangtthat si ko seh. – Job

(Visited 34 times, 1 visits today)

Comments

comments

Comments

%d bloggers like this: