Jewish-American Pawlih Vote

Jewish American pawl cun Israel parih a thum-aw zettu candidate tlun lawngah an bawm theu ih, an vote theu ti cu American ramthukhelnak ah hlan ihsin thok in an rak ruat theumi a si.

A hleice in cuvek ruahnak cu kumhra hnakih rei a um zo ih, American in ramdang policy, Middle East tlunih policy pawl tlunah a thupibik ih ruah a si. Cumi cu Israel pawl le Palestine pawl karlak ih buainak remrel dingmi tlunah a hngat-aw a si. Cuvek ruahnak, phuahcop thu, cu kan dungzarh Tlawngkai Nihnihni, 6.11.2012, president hrilawk ni, ah Jewish American pawl cun a dik lo zia an langter lala zo.

Politiclam ih sumpai hlu theutu Sheldon Adelson le Repubican Jewish Coalition (Republic Party ih Jewish Pawlkom) le Israel hrangih Emergency Commitee pawl cun 2012 sungah Israel hrangah dollar million tampi cu an hmang. Cumi cu President Obama le Democratic Party pawl vote loin vote ngah theinak dingah a si. Asinan cumi sumpai cemliammi pawl cun hna a tuansuak taktak lo. Ziangahtile Jewish American zateek 70 cun Barack Obama an vote ruangah a si. Obama cun 2008 lai-ah khan Jewish America zateek 74 ih vote cu a ngah. 1972 ihsin zohsal sehla Jewish American zateek 70 in Democratic Party ih president hrang an candidate mi pawl cu an bawm ringring ti ding a si.

Atu kum ih Ohio le Florida ih Jewish pawlih vote pawl zoh sehla zateek 69 le 68 in rel ding dang um lo khop in Obama an vote. Cun zateek 69 ihsin 30 karlak in Democrat pawl le Congress pawl an tan. A meh kel ringring cu a si. Khatlam ah mipi tampi umnak hmun ih um pawl, mirang pawl, Catholic pawl le Protestant pawlih vote cu 2008 ihsin zoh sehla Obama parih an tannak cu zateek 4 in a mal in a tum vivo.

President hrilnak hrangih pawlsawm tik caan ah Israel thuhla lawnglawng ruahrel in Jewish pawlih vote lak duh cun zianghman a thahnem lo tluk a si. Ziangahtile Jewish America pawl in sipuazilam, harhdamnak le ramsung humhimnak pawl sawn hi Israel hnakin an ruat deuh ih an zoh deuh ruangah a si. Jewish American pawlin a dang America pawl vek thiamthiam in an raut ih an vote ve ti cu a lang. An ruahnak ah Israel thawn pehpar in kau le thuk zetin an ruat.

Jewish American zateek 82 pawlin atufang ih U.S. le Israel ramhnih ih an sidan hi an lung a kim ih, zateek 76 cun Obama cu daihnak hrangih tanla dingah an duh, cun ahlan president hlun Bill Clinton ih tuahmi cu zateek 84 in an lung a kim lawlaw. Mi malte ih ruahnak kha Jewish American zate vekin an rel theumi cu a dik lo a si.

Israel hruaitu atufang ih president, Shimon Peres, cule a senior zetmi ramkheltu lakih mi poimawh Ehud Olmert, Ehud Barak le Tzipi Livni pawl khal hi ram thuhla thawn pehpar in an thin ai a thok oltuk ti’n Jewish Americans zateek 81 zum an pom.

Middle East cun kumli liangluang bum rero mi hnuai-ah um ding cu a si nawn lo, ziangahtile America ramkhel pawl cun cuvek rinhmang ih thilti thelhnak pawl cu an tihtuk zo. Asinan Obama hrangah a termhnihnak ah hitluk in Jewish America pawl cun an vote zo ih ruangah Israel le Palestin karlak ih buainak ah siseh, Middle East daihnak hrangah siseh, Israel le U.S. karlak ih rualramnak ah siseh, a zale in a hlan hnakin nasa sinsin in a tuan ding cu a tuanvo thupibik cu a si.

CNN. Jeremy Ben-Ami is president of the pro-Israel, pro-peace lobby J Street.

 

Comments

comments

Comments

%d bloggers like this: