Jesuh Suahnak Hmun Remtha Ding

Bethlehem, Jesuh suahnak hmun ih Biak Inn

Jesuh suahnak hmun Bethlehem caw inn ih an sakmi biak inn pi cu Palestinian thuneitu upa le Khristian hruaitu upa pawl cun remthatnak tuah dingin lungkimnak ca nem an tuah.

Ramtin upa pawl lungkimnak thawi an tuah tummi an ruahmannak hi $US 1 Millian lenglo cemih tuahtum a  siih Italy ih mithiam Remigio Rossi in rem that hna a tuan ding. Ni 150 sungih tuah theh ding a si thu khal Ziad al Bandak hnatuan lam tuanvo neitu cun a sim.

An cem dingmi sumpai pawl hi Palestinian thunei tu le Prime Minister Salam Fayyad in an pe. Catholic, Greek Orthodox le Armenian Orthodox pawl ih a khawmnak biak inn hi kum 200 sungah veikhat an rem that salnak a si thu khal an tarlang.

The UN Educational, Scientific and Cultural Association (UNESCO) cun hi biak inn tlunlam luanglu zun le a phar ih zuk nganmi pawl hi kum zabi 4 lenglo ih tuahmi a si zo tin an sim.

Hi biak inn dinnak hmun, Mary ih Jesuh a hrinnak hmun tiih zummi hmun ah hin kum tinten khualtawng mi ziangmaw tizat in zoh dingin an feh theu ih Palestin ram sungih khualtlawng pawl ih an zoh duhbiknak hmun pakhat khal a si.

Reuters

(Visited 61 times, 1 visits today)

Comments

comments

Comments

%d bloggers like this: