JESUH LE ZAKIA

JESUH LE ZAKIA

By S Tha Nei Fai

(Luka 19:1-11 )

Zakia in beidonnak phun 3 a
neih ruangah Jesuh ton a tum. Paul in, ” Pathian duh zawng beidonnak
cun rundamnak lamzin ah mi a hruai theu ” a ti ( II Kor.7:10).Theikung
parah kaiin Jesuh a thlir.

(1 ) Jesuh in a hmu hmaisa
Zakia in Jesuh a hmuh hlanah Jesuh in theipi par a hunzoh ih a
hmu. Misual bikin Bawipa kan zoh, kan hmuh hlanpi in Bawipa cun in rak
hmu zo. Fapa tlanhlo pa kha lam hlapi ihsin a pa cun a rak hmu ih
hmuak dingin a tlaan vurvo.

( 2 ) Jesuh in a ko
Mangbangza a si mi cu Zakia hmin kha zohman in an sim lo nan
Jesuh cun a thei Zohman ih sim tul lo ih kan hmin in thei thehtu cu
kan Bawipa a si. Misual pa kha Jesuh in ,
” Zakia ” tiah a ko. Bawipa a va tha em! Cu lawng hman a si lo, “Rung
tum aw, na Inn ah ka thleng ding” a ti hrih lai.Misual hnong lo tu cu
kan Pathian a si.

( 3 ) Zakia, mipi ih an hmuh daan
Jesuh thawn an feh tlang hlanah cun Zakia kha zohmanin an ngaih
sak lo nan Jesuh thawi an feh tlang hnu cun mikip in an ngai poimawh.
Jesuh nei lo tu cu Satan ih thiik tlak le buaipi tlak an si lo. Jesuh
neitu cu miaa bik khal Satan in a buaipi paih. Jesuh cu Zakia Inn ih a
tlun an hmuh tikah mipi pawl in, ” Misual pai Inn ih a tlun hi” an ti.
Zakia cu Jesuh thawn an feh tlaang le an nun tlang hnu khalah zohman
in mitha in an hmu cuanglo, misual pa, an ti thotho . A si nan Jesuh
thawn an nung tlaang zo.

( 4 ) Zakia in a sual a rim
Zakia cu a pianthar vete’n, ” Bawipa, ka bummi a rak um a si le
a let li in ka ruul ding” a ti. A rak ei thup theumi pawl khal
Bawipa’i thu cun a rim ter. A thih tiang a eithup nawn lo.

( 5 ) Siannak a nei
Farah zonzai pawl a neih hrek khat tiang pe dingin Jesuh
hnenih thu a tiam mai khi a va mak em! Mi zokhal an pianthar taktak
ahcun Bawipa’i ram hrangih peek siannak an nei theu.

A siartu zate’n Bawipa in thlawsuah lo pe hram seh.

Comments

comments

Comments

%d bloggers like this: