JESUH KHRIH AN SAWM

JESUH  KHRIH  AN SAWM

Ro Khar Thang

Text :     Luka. 24 : 13 -35. “Kan hnenah riak ve ko aw! Khua a siim zo ih a thim thlang fawn,” tiah an sawm. (24:29).

Thuhmaihruai:  Bawi Jesuh cu thihnak ihsin a thawhsal ni zanlam ah Emau khaw zin lamah a feh rero mi dungthlun pahnih pawl hnen ah a rawng lang. Hihi vei li a langnak a si.

  1. Khrih thawn an tongaw: An pahnihin Khrih ih thuhla cu lamzin tluanah an reltlang rero (24:14, 19:20).
  2. An riah a sia:  Lk. 24:17. Khrih duhdawtu cun Khrih ih thuhla lawng ruat le relin an tikcu an hmangih, Khrih ton duhnak an nei. Duhnak thinlung an neih vekin an tongaw ngaingai.
  3. An hnen ih cam dingah an sawm: Jesuh a si ti an thei lo nan an hnen ih riak ve dingah an sawm. (Marka. 16:12).
  4. An riahnak ding khua an thlen zikzawngah  Jesuh cu fehlan tum vekin a um an hmuh tikah cui rualvahte pahnih cun, ‘kan hnenah cam ve  ko aw, khua a siim zo ih a thim thlang fawn’ tiah hramhram in an kai. (28-29).
  5. Luka. 22:12 sungah khual thleng dingah a ongaw cia thu kan hmu. Tlunta khan ah cabuai le tohkham pawl kimte ih an ret mi khan tumpi a lo hmuh dingih cutawk ahcun ziang hmuahhmuah va tawlrel uh”.

Bawipa thawn an umkhawm ruangih an co mi thluasuahnak.

  1. An mit a vang vuarvi (24:31).
  2. Bible ca sungih ngan mi thu le a sullam pawl Jesuh in a simfiang tikah an thinlung cu meisa ih kang fai mi vekin a fiangfai viahviah.(24:32).

Zir ding thu poimawh pawl hitin kan zoh hnik pei.

*Jesuh {Pathian} cu kan sawm/ kan kawh ahcun in el siang hrimhrim lo ding.

*Kan sawmnak in hngakih kan sawmnak  cu thupi zetah a ret ringring.

*Hmel theihlo mikhual lamvak pakhat vekih an hmuh mi a sinan an hnenah riak dingin an   sawm hi zirtlak ngaingai a si.

*Mi?ha maw misual an si ti kan theihfiang lo mi cu kannih cun kan sawm ngam lemlo ding. *Mikhual parih ?hatsuah ciau dingah in zirh, kan ti thei ding.

Thu tlangkomnak:

Kan thinlung sungah siseh, kan insung ah siseh, Khrih cu kan sawm pei. “ Sangka hram ah ka ding ka king, ka aw a thei ih sangka i ontu cu a in ah ka lut dingih a hnenah rawl ka ei ding, cule anih khal keimah thawn a ei ve ding.” Ti mi tongkam in tantu Pathian kan nei.

Kan fehnak, kan thlennak, kan umnak hmunkipah Jesuh thawn si vivo seh. Kan kiangih um a duh zettu Pathian kan nei. In hruai, in umpi ih in bawmtu, in ticaktu a si. Amah rinsantu, an hnen ih riak dingah a sawmtu pawl cu zanthim lak khalah hnangam thinnuam zetin Jesuh thawn an um ti hi kan cingkeng ringring pei.

Pathian umpinak cotu kan si ciau nak hrangah thluasuah thleng hram seh.  Amen.

 

(Visited 34 times, 1 visits today)

Comments

comments

One Comment

  1. va ngeih cu zei tin dek a hei ruah ve hnga a nuam a hei ti hnga dek maw

Comments

%d bloggers like this: