Jesuh Ih Tongfang Thosal Caan Ah London Bus Ah Tar Ding


Thawhsal caan ah reilote hrang London ih Bus pawl ah Jesuh ih tongkam pawl tar dingin thuthangtha simtu le pastor pawl cun hmalaknak an nei. An tumtah bik mi cu mi tampi hrangih ruahsannak thar a tam sin a thlen theinak dingah a si.

Jesuh ih simmi tongfang pawl hi April 10 ihsin zarhhnih sung London khawpi sungih tlan Bus 75 pawl in an tar ding. An tar dingmi Jesuh ih tongkam lakih pakhat cu ‘Zokhal Keimah in zumtu pawl cu thiloin kumkhua nunnak an nei ding’, ‘Kei cu lamzin, thutak le nunnak ka si’ timi le ‘Ka pai’ inn ahcun riahnak hmun a um’ timi pawl tla an tel ding.

Tawlreltu pawl ih an tumtah bik mi cu Bible sung ih zirhnak pawl lak ih thupi zet a simi ‘Ruahsannak’ timi mitin hnenih thlenter ding hi a si tiin an ti. Thlaphannak leitlun ah mipi pawl in ruahsannak thar an neih theinak ding hi a si tiin an ti.

London ah Pathian a um lo titu pawl in 2009 ah nasa ngaiten an khawsung tlan Bus pawl ah ‘pathian timi a um lo. Na thinharnak ihsin hahdamaw cutin nunnak ceen aw’ tiin thehlarnak an rak tuah ciamco dah.

– Christian Today

Comments

comments

Comments

%d bloggers like this: