Jesuh Hnenah Hruai Aw

May 24

Tlawngkai Nikhat

Jesuh Hnenah Hruai Aw

Siar:

Luka 18:15-17

Nauhak pawl cu ka hnenah ra hngai seh, dawn hlah uh. Ziangahtile Pathian uknak cu hi bangtuk nauhak pawl hrangah a si. -Marka 10:14

Kumkhat Sung Baibal:

–   1 Sansiarnak 22-24

–   Johan 8:28-59

Kum 77 mi David Holquist a thi ih amah hngilh lonak khawm ah Pastor pa in Luka 18 sungih nauhak pawl thu a sim tikah a danglamtuk a bang.

Hih Bible cang hi kum reipi Phunsang tlawng saya ttuantu David thawn a tlaak tuk. A faate le nauhak dang pawl caan a pek hngaizet. Pawpawleng le milem zuk tete a tuah ih kawhhran ih nauhak pawl hrang Pathian hnattuannak a bawm. Biakkhawmnak hrang timtuah tinte’n, “Nauhak pawl hrangah teh?” tiah nauhak pawl hrangah a thupiter ringring.

Luka 18 in Jesuh ih nauhak pawl thupiternak a tarlang. Nauhak pawl Jesuh hnen ih an rak hruai tikah hnattuan tamzetmi Jesuh kha nauhak pawl in hnaihnok lo dingin a dungthluntu pawl in kham an duh. Hmanseh Jesuh cu nauhak pawl ruang ahcun a thin a hnaihnok lo a bang. Cu hnakin a dungthluntu pawl parah a lung a awi lo ih, “Nauhak cu ka hnenah ra hngai seh, kham hlah uh,” (c.16) tiah a ti. Marka in a bet hrihmi cu: “Cule nauhak pawl cu a pom ih an parah a kut a suang fingfing ih thluasuahnak a pek” (Mark 10:14-16).

Nauhak parih kan lungput zoh saal in David Holquist ih nun hi zohtthim uhsi! Jesuh hnenih an rat theinak dingah bom thei daan hawl aw.   – Anne Cetas

Thuthangttha a zirhtu pawl,

An thinlung sungah thudik duhnak thawn;

Vancung ihsin raalrin peknak dim te’n a rami cu,

“Nauhak le mino pawl hngilh hlah aw.” – Anon

Pathian in nauhak pawl a thupiterzet.

(Visited 23 times, 1 visits today)

Comments

comments

Comments

%d bloggers like this: