Jesuh hnenah Amen! ti aw

January 17
Tlawngkai Nihnih

Jesuh hnenah Amen! ti aw.

Cutikah a parih a cangmi thil pawl cu fiang tein a hun thei ngah ih, “Atu cu a cangmi ngaingai a si ti ka thei zo! Herod thuneihnak sungin le Judah mi pawl in ka parih cang dingin saduh an thahmi hmuahhmuah sung ihsin ruunsuak dingah Bawipa in a vancungmi a run thlah a si hi,” tiah a ti. – Tirh. 12:11

Bible Siar Ding: Tirh. 12:1-17

Amen! Kan ti theimi thil tampi an um. Rinnak taktak tel loin thahiarnak le lungthawhnak na nei thei ti ka hmu. Ca Thianghlim kan siarmi cun rinnak taktak parih Amen ti theimi le rinnak tel loih duhhiarnak maimai ih danglamnak a langfiangter.

Herod siangpahrang in dungthluntu Peter thawng a thlak tikah kawhhran mi pawl cu Peter thawnginn sung ihsin a luat saal theinak dingah catbaang loin thla an cam rero. Zaan ih khawvar in thla an cam tlang. Thathozet in thla cu an cam ko nain an thlacam ruangah Peter thawng a suak ding timi cu an zum ngam taktak lo. Hih Bible bung-cang ihsin hrilhfiah theimi thuhla tampi a um thei nain, thil pakhat a langfiang keukeumi cu rinnak an neih lomi hi a si. Mino Rhoda in midang pawl hnakin rinnak a nei deuh. Saangka kingmi awn a theih tikah saangka va ong dingin a va feh. Peter ih aw rori a si ti a theih tikah Peter kha inn sungih rung lut thei dingin saangka cu a onh ciah hrih lo nain Peter cu thawnginn ihsin a suak zo timi thuthangtha a theihmi cu a hlawm hngai thei. Lungawi thathozet in a vung tlan turto ih Peter a suak zo timi thu a vung sim hngai.

An zate in bangrep teih an simkirmi cu, “Na aa zo a si hi, a si lo sawm?” ti a si. Anih cun a si lo, Peter cu ka hmu, a aw ka thei a ti, sikhalsehla thlacamtu midang pawl cun cuih thu cu an zum thei riai lo. “Pathian in a vancungmi a thlah a si men ding,” an tisan.

Asian Rhoda in, “Peter rori a si” a ti. Peter in saangka cu a king ringring tikah an va feh tikah Peter cu saangka ah dingin an va hmu. Thahiarnak an nei nain rinnak an nei lo. Pathian in Amah thawn pehzom ih um thei ringring theinak hmun dikah umter in duh. Pathian ih khuakhan lairelnak parah Amah rinsan in cawl ding le hahdam ding kan ttul.

Zacharias le Mary karah danglamnak a um. Zacharias cun fapa neih lohli a duh, asinan vancungmi ih “pa na si ding” tiih a sim tikah zum lonak in a khat. Vancungmi in, “Hi ti ih na zum lo ruangah ttong thei loin na um ding,” a ti (Luke 1:20). Sikhalsehla Mary hnenih vancungmi a rat tikah anih cun, “Kei cu Bawipa ih sal nu ka si, Na sim vek cun ka parah si ko seh!” a ti thei (c. 38). Himi hi Amen! kan ti theinak ih hramthoknak a si.

Pathian in kan sunglam nunram in Pathian ih simmi “Amen!” kan ti thei ding a duh,

Na nunnak sungmuril taktak in Amen! na ti thei timi hi zum taktak aw.

@ Smith Wigglesworth

(Visited 29 times, 1 visits today)

Comments

comments

Comments

%d bloggers like this: