Jesuh Cu Hmunlaibik Ah

December 18

Zarhte Ni

Jesuh Cu Hmunlaibik Ah

Siar:

Zekhariah 12:10-14

An sunthat ciami kha an zoh saal ding.    – Zekhariah 12:10

Kumkhat Sung Baibal:

–   Obadiah

–   Thuphuan 9

Bible ih Jesuh hmunlaibik ah a retnak thuhrampi na thei dah maw? Tluangtlam te’n kan sim asile Pathian, vancungmi pawl, Satan, minung ih ruahsannak, lei le van a zate ih thu pawl tthazet in kan theih theinakbik cu Jesuh thawn an pehtlaih awknak kan zohnak ihsin a si. Jesuh cu hmun thupibik ah a um.

Tu naite in Thukam Hlun cabu Zekhariah hi Jesuh hmun thupibik ah a rettu cabu a si ti ka thei ngah. Hih Cabu in Jesuh ih minung sinak (6:12), tangdornak (9:9), zuar a tonnak (11:12), Pathian a sinak (12:8), thinglamtah ih thah a tuarnak (12:10), a rat saalnak (14:4), hmailam ih a uknak ding (14:8-21) thu pawl a rel.

Ahleice ih tican neizetmi canghril cu: “An sunthat ciami kha an zoh saal ding,” (12:10) a ti. “Sunthat” timi ttongfang in san thuanthu ah Israel pawl in Jesuh Khrih an hnong ih thinglamtah ah an khennak a sawhkhih. Asinan hmailam ih a ralai dingmi Israel tesinfa pawl in Messiah ah an cohlan saal ding thu khal a sim cia. A veihnihnak a rat saal tikah a taangmi Israel pawl in thinglamtah ih khenmi a si kha an theithiam dingih Amah cu an zum ding.

Mangbangza hih Cabu in Jesuh cu hmun thupibik ah a umnak thudik pawl Bible Cabu dangah le kan nunnak zate in hawl sinsin dingin thazaang in pek. Jesuh cu ziang hmuahhmuah lakih hmun thupibik ah ret aw. Jesuh cu na nunnak ih hmunlaibik ah ret nun in nung thlang aw.    – David Reper

Mi hrekkhat cu Pathian ih Cabu thianghlim an siar,

Asinan a sunlawinak an hmu lo;

An rak theih lo ruangah a si,

Cumi cu Jesuh ih thuanthu a si.    – Branon

Jesuh cu Pathian Ttongkam onnak tawhfung a si.

Comments

comments

Comments

%d bloggers like this: