Japan Ram Ih Naute Ttah Zuamawknak Puai

nautap
January Van
Japan rammi pawl cun naute pawl an ttah asile harhdamnak hrangah a ttha tiah hlanlai ihsin zumnak an rak neihmi a si. Cuti a si ruangah Japan rammi Nu le Pa pawl cun an fate pawl kha Sumo wrestler pawl an cawiter ih ttah an zuamaw ter ti a si.

Kum (1) kim hrih lo mi naute suakpek pawl ih ttah zuamawknak puai cu temple dangdangih tuah a si. Naute ih Nu le Pa pawl khalin Sumo wrestler pawlin an fate ttap dingin an tuahthei ding ti zumnak an nei. Sumo wrestler pawlin naute pawl cu tlunvan ah thlir in an thing dingih an ttap ding. Cuih an ttah aw cu tlunlam ihsin pathian in a rak ngai/thei dingih naute pawl hnenah harhdamnak a pe ding ti ruahsannak thaw’i an tuahmi a si.

Cuih naute ttah zuamawknak puai cu khuahlan kum 400 hrawng ihsin an rak tuah ttheu mi a si. An tuah daan pawl cu khuakhat le khuakhat an bang aw lo. Khua hrekkhat ahcun Sumo wrestler pawlin naute pawl cu an mit le mit tongaw in an zoh ih zo ttap hmaisasa tiin an zuamter. Cumi puai ih a ttap hmaisatu cu puai a sung tiah an ti ih a ttap reibik pawl cu nehnak cotu tiah an ti. Naute ttahter man ah £70 an cem ti a si.

Hrm : Thithtoolwin

(Visited 655 times, 1 visits today)

Comments

comments

Comments

%d bloggers like this: