Japan Ram A Tlawnlai Ih Kawlram Thu Pi Suu Kyi Ih A Relmi

Nobel laureate and Myanmar opposition leader Aung San Suu Kyi receives a gift at the end of her lecture session at the University of Tokyo in Tokyo

Tokyo University In Aung San Suu Kyi Upatnak Laksawng Peklai

TOKYO : NLD hotu Pi Suu Kyi in Japan ram a tlawnlai ah, The University of Tokyo tlawngta pawl hmai ah thusimnak a nei. Cutakw ih a simnak ah cun, “Kawlram sung ih buainak hi awlaite ih ti reh theimi asi lo. A thupi mi cu dan le dun thatak ih tuah, administration lam thate ih kaihhruai, cozah le ralkap pawl ih an tuah dan ah tampi a thum aw ve. Ziangtin hi buainak hi tireh thei asi ding tiin in sut theu nan, kei cu duhduh tuah thiam ( magician ) ka silo. Cuvek thiam tla cu si sehla duhduh in kan tuah ding ih buainak a reh theh ding” tiin asim.

Cun, Kawlram mi pawl hnen ih thusimnak a neihnak ah cun, “Kawlram sung ih buainak suak mi ah thin a nuamlo zet. Tu naite ah Muslim hruaitu pawl thawn kan tongaw. Kawlram sung ih um Muslim pawl hi ramdangmi an si lo ih Kawlram sung ih ummi an si. Kawlram sung ih um si Kawlram sung ih himlo ih an ruahawknak hi a thalo zetmi asi. Leitlun rampi cozah zate in an ram sungih ummi pawl in rammi sinak an co theinak dingah tuanvo an nei. Kawlram sung ih mipi hrang ih tuanvo neitu cu Kawlram cozah asi” tiin asim.

The Japan Times ah cun, “Ms. Suu Kyi in Kawlram thuhla kan hnen ih in sim dingmi pawl hi Japan ram cun thaten kan rak ngai ding. Cumi ihsin Japan ram in ziangvekin Kawlram hrangah hna atuan ding timi cu a theithei ding” tiin an tarlang.

(Visited 100 times, 1 visits today)

Comments

comments

Comments

%d bloggers like this: