Japan PM Khualtlawn Titawp Hrih

Shinzo AbeTOKYO : Japan PM Shinzo Abe in, Asia ramsung ih khual a tlawnnnak cu tu ah a titawp hrih ih, an ram lam ah a kirsal ding. Ziangahtile, Japan hnatuantu le engineer pawl cu Algeria ramsung ih kaihawknak thlengmi ah an tel ve ruangah asi. Hitawk ih tel mi 3 pawl cu a nunnak ruah ding umlo in an him ko nan, midang 14 pawl ih thuhla cu theih asi hrihlo.

Abe hin, PM sinak a ngah veten a tuahmi cu, Asia ramsung ih ram pawl hnen ah khual tlawng in a can a hmang. 17.1.2013 ah khan, Thailand hruaitu nu thawn tonawknak an nei thei. Cumi theh in, Indonesia ih thlawng ding asi. Japan Deputy Chief Cabinet Secretary Katsuno cun, “Algeria pawl ih thiltuahmi cu a thalo zetmi asi. Hivek cu ngaihdam theih thil khal a si lo ih, hivek hi an tuah nawnlo ding hi a thupi zet asi” ti in asim ve.

US Ralkap Thawngtla Electric Tohkham Thawn That

WASHINGTON : American ram ih thawnginn pakhat ah, 16.1.2013, Tlawngkai Nithum Ni ah, 9.08 pm ( US can ) ralkap hlun pakhat, mai tuanpi 2 thahnak ruang ih thawngtla Robert Gleason, kum 42 mi cu, Electric thawi tuahmi tokham ( chair ) thawn an that asi ti in ramsung thuthang cun asim. 2010 hnu ah hivek ih thahawk hi a hmaisabik asi. 2007 ah kum 63 mi, 2009 ah kum 26 mi pawl a that ih, thihtiang thawngtla ding ih an retmi asi.

Comments

comments

Comments

%d bloggers like this: