Japan in Nuclear Thahram Tuahnak 2 Ongsal Ding

Oi nuclear plant

Japan acozah cun nuclear thahram tuahnak hrang siannak ca a pe sal. Hi siannak hi a hlan an rak tuahnak Fukushima; thilsia le tilian ruangih a siat hnu thla 15 nakih an pek leh sal hmaisabik mi an si.

Prime Minister Yoshihiko Noda in nuclear thahram tuahnak hmun 2 pawl onsalnak ding thu a puang ih, Kansai Electric cettha umnak hmun, Ohi ah tuah a si ding thu khal a puang tel cih. Hi hmun hi an ram sungih cekzung tambik umnak hmun ih pahnihnak a si.

Oi nuclear plant pahnih hi thlaruk sungah tuahtheh thei dingin an zuam ih pakhat in meisa cahlam 1200 megawatts a nei thei veve ding ti a si. Nuclear thahram tuahnak on duhlo tu pawl khal cun tuah nawn lo dingin an duhlo tilangnak lam an rak zawh ve.

Leitlun sumpaituahnak ih lianbik pathumnak Japan rampi PM cun hivek ih nuclear thahram tuah lo ih kan um ahcun kan rampi a cangvai theilo ding tiin a sim.

Japan hin March 11, 2011 ih linghnin a natlam 9.0 a tuar ruangah an nuclear thahram tuahnak hmun pi Tokyo Electric plant ih ta Fukushima a siat thluh. Cumi ihsin a dang cetzung 50 pawl khal khar thluh a si. Hi Fukushima a siat ruang ahcun mithi an um lo.

(Visited 35 times, 1 visits today)

Comments

comments

Comments

%d bloggers like this: