January 15 Ah Ni Thim Ding

Tui kumthar a hmaisabik January 15, 2010 ah ni a thim ding tin nikhua zohtupawl in an phuang.

Tui ni thim ding hi kan dunglam kum 1992 ihsi siarin tui kum 2010 hi nithim sung caan reibik a si ding tin an sim. Kan dunglam kum thawngkhat sung khalah tui ni thim ding caan tluk ih rei a um dahlo thu khal an sim bet.

India mipi pawlin hi nithim laifang hi fiangten an hmu ding. Nazi 11:00 A.M. ihsin ni a thim thawk ding. India ram, Tamil Nadu ihsin a thim lai a zaten an hmu thei ding.

A feh vivo ding ih Kanyakumari lam a thlen hnu ah Kerala lam ah a feh ding ih India, Bangladesh le Asia khawmual pawl a hrut thla vivo ding. Kawlram mipipawl khalin fiang zetin an rak hmu ve ding. 

India tipi tlun ah minit 11 le sekan 8 sung kan “Ni” a thim ding. Kan hmailam 2019 hlan khalah hi tluk ih rei le nasa a um nawnlo ding tin zingzawitupawl cun an sim cia thei.

Tuitum ni thim hi India ram ih mipi pawl cun nazi 11: 00 A.M. ihsin fiangten an hmu ding ih zanlam nazi 3 tiang danglam zetin a lang ding.

Nithim kan timi hi nauhak lai ih “thlapi in ni a dolh” kan rak ti theumi cu a si. ‘Thlapi khi e suak tunto pei khaw ee’ tiih kan timi thlapi khual tlawng tawivak cun kan leitlun khawmualpi le ni zawn a thlen tikah ni-tleu lang theinawn lo ding in a khuh ding ih cutik caan ah ni a thim ding.

Hi mi ni thim hi ram tin le hmun tin ah dang lamnak nei zetin a lang vivo ding ti khalin an phuang bet.

(Visited 44 times, 1 visits today)

Comments

comments

Comments

%d bloggers like this: