Isreal PM, Leh Palestinian President, Be Aw

Isreal PM, Leh Palestinian President, Be Aw

Clinton invites Israel, Palestinians to Sept. 2 talks

Isreal Prime Minister, Banjamin Natanyahu leh Palestinain Authority President, Mahmoud Abbas, US president tawngaw lai

Relzo vekin US President, Obama ih sawmnak vekin Isreal leh Palestinian  karlak rualrem awknak hawlin Isreal Prime Minister, Banjamin Natanyahu leh Palestinain Authority President, Mahmoud Abbas cu mizansun ihsin Washington khawpi ah biakawk nak an thok ih, US President, Obama cun  Isreal PM, Banjamin Natanyahu leh Palestinian President, Mahmoud Abbas cu an karlak rualrem awknak hawlih an biakawk nak hi ti tlolh lo hram dingin an ngen veve.

Obama cun an karlak rualrem awknak dinghi tu maiah relfel theih silo hman sehla boruak thazet hnuaiih an biakawk vivo a beisei thu leh, hi an biakawk nakin kumkhat lai a awhding a si hmanah a neta bikah cun  kum 1967 ihsi Isreal pawlin Palestinian pawlih umnak hmun West Bank ih umnak hmun an khuar micu suahsan thlang hai sehla ramthar dinin Palestinian pawlin mipi rorel nak ram dinsuak hai sehla a duhthu a sim.

Obama cun Isreal leh Palestinian pawlhi an duhlo cingin an karlak rualrem awknak thuhi US Cozah in a barh lut theilo nan US Cozah cun rualrem tei an um tlang a duhbik mi a si a ti.

Isreal PM, Banjamin Natanyahu cun Palestinian Authority President, Mahmoud Abbas cu Isreal leh Palestinian karlak rualrem awknak hawlih ka thurual pi theimi a siih, tihni sunih Palestinian  Tapung Hamas pawlin Isreal minung 4 an thah ruangah Isreal leh Palestinian karlak rualrem awknak  hawlih biakawk nak a tibuai cuanglo ih, Isreal leh Palestinian karlak ih rualrem awknak a um theinak dingah theihtawp suah ka tum a si tiah Isreal PM, Banjamin Natanyahu cun a sim.

Palestinian Authority President, Mahmoud Abbas khalin  tihni sunih Isreal mi 4 that tucu a mawhthluk zet thu leh pawi a tithu a simih,Isreal leh Palestinian karlak ih rualrem awknak a um thei nak dingah theihtawp suah a tumthu a sim rualin Abbas cun  kum 1967 ihsi Isreal pawlin Palestinian pawlih umnak hmun West Bank ih umhmun an khuar micu suahsna thlang haisehla a duhthu a sim veih, hihi Isreal thawi an remawk theilo nak point tumbik a si thu a sim.

Isreal PM, leh Palestinian President, ih biakawk nakah hin US President, Obama ih sawmnak vekin Jordan Lal, King Abdullah leh Egypt President,  Hosni Mubarak khal an telih, Jordan Lal king Abdullah cun Isreal leh Palestinian karlak rualrem awknak um thei dingih US President, Obama ih hnattuan nak cu a thlawp vivo dingthu a simih, tui ttum an biakawk nak a tlolh pang a si ah cun remnak hawlih biakawknak neih leh dingcu thil harsa zet a si ding tiah Jordan Lal King Abdullah cun a sim.

Mizan sunih an biakawk nakhi US Secretary of State, Hillary Clinton in a kaihruai ih, kum 2008 ih Isreal PM, leh Palestinian President, an biakawk hnu ih  hmaiton ih an kawmawk sal nak hmaisa bik a si.

Pakistan Bomb Puak

Mizansun ah khan Pakistan ram khawpi pakhat Lahore ah Bomb a puakih minung 37 an thiih, midang 280 hrawngin hriamhma an tuar. Hi bomb puahtu hin  Shia Muslim  pawlih khawmnak hmunah bomb a tipuak hmaisa ih cumi hnu ih mipi mangbang lungphang tlankhawm nak hmunah thihcilh bomb voi 2 tipuakbet sal a si.

Hi buainak ruangih lungawilo Shia  Muslim pawlcun Police Station  an siim ih, khawlakih Motor leh Cozah thilri ziangmaw zat an siatsuah. buainak sosang a suahbet vivo phangin sumdawnnak hmun pawimawh khal kharcih thluh an si.

Hi bomb puak hi Lashksr-e- Jhangvi al- Almi Tapung pawlcun an mai puahmi a si thu an simih, himi laiah  Tehrik-e- Taliban  tapung hotu Qari Hussain cun hi bomb hi an mai pawlih puahmi a si thu a simve ih zo deuh ih puahmi a si ti fiangtei theihnak a um hrihlo.

Lahore khawpi ah hin  tuikum May thla khalah Muslim biak Inn ah bomb an rakpuah zo ih minung 95 an rak thizo ih, tuikum July thla khalkah thihcilh bomb  puah ruangah Mulsim hmun thianghlim Data Darbar ah minung 45 an rak thizo.

US Palik Pawlin Misual Kap That

Tihni zanah khan  US Maryland Sate ih Silver Spring ih Discovery Channel Hqrs cu misual pakhat James Jay Lee kum 40 mi in Meithal leh bomb kengin an luhkhum ih,a sungih hnattuan pawl hrobet in a halh khum.Cumi hnuah Palik pawlin be pop in a mi hrenmi pawl suah dingin thu an pe ih, Asinan a suahduh cuanglo ruangah mizan sunah hi misual pahi Palik pawlin an kapthat.

Hi misual James Jay Lee kum 40 mihi California ih San Diego khua ih ummi a siih, kum 2008 khalah Discovery Channel ih Programme dangdang pawlcu leitlun kilhim nakah hmantlak a silo tiah  Discivery Channel Office kawtka ah paisa a thehdarh ciamco zo ih, cumi ttum khalah Palik pawlin an rak kaizo. tuittum ah meithal leh bomb kenglut in a sungih mipi pawl thah a tum ruangah a mah kahthat a si.

(Visited 69 times, 1 visits today)

Comments

comments

One Comment

  1. to the honorable mr.Barack Obama/ Michelle Obama and other White House Officials. like joe biden,
    suggested titles for these biblical bayans, that should have aired in the septeber 11 news broadcasts al over the world, upi, ap. did not cooperate in distributing this in time.
    the first eye wittness report of 911
    what historians and bible schollers missed.
    an angelic view of what the prophet St.John saw in revelation 14
    if this is true than what about the rest of the scritures in the new testament.

    to whom these links may concern they show us that the spirit of the living lord has never left us.

    BiblicalBayans
    lets remember 911 as 14:20
    http://www.biblegateway.com/passage/?search=revelation%2014:20&version=KJV the space mentioned is the distance between the twin towers and the pentagon.

    appollo8 Christmas
    http://www.biblegateway.com/passage/?search=revelation%2014:6&version=KJV

    i spent my time today in getting the prophet St. Johns revelation 18 to come into fuition, St. john, is my mentor I on the other hand is his protogee
    .I came in to this world at our queens of angals hospital in los angelas.
    BayansBlessings

Comments

%d bloggers like this: