Isreal PM in Palestinian Thawi Rem Awk Nak Tuah Harsa Ding A Ti

Isreal Leh Palestinian Be Aw Ding

US Secretary of State, Hillary Clinton in a sim nakah Isreal leh Palestinian ram thu neitu pawlcun an karlak ih rualrem awknak lamzin hawlih biakawk nak neih rem an titlang ih, US President, Obama ih sawmnak vekin Isreal Prime Minister, Benjamin Natanyahu leh Palestinian  Authority Presidnet, Mahmoud Abbas cun hmaithla ni 2 ah Washington khawpi ih biakawk nak neiding in rem an titlang zo tiah a sim.
Isreal Prime Minister, Benjamin Natanyahu leh Palestinian Authority President, Mahmoud Abbas ih biakawk nakah hin Egypt President, Mubarak leh Jordan Lal, King Abdullah khal  Obama in an sawm cihding tiah Hillary Clinton cun a simih, US, UN, EU, leh Russia aiawh ih Middle East ih rualrem nak lamzin hawltu UK Prime Minister, hlun  Tony Blair khal a telding tiah a sim.
Isreal PM in Palestinian Thawi Rem Awk Nak Tuah Harsa Ding A Ti
Relzo vekin US President, Barack Hussein Obama ih sawmnak vekin  hmaithla ni 2 ih  Isreal Prime Minister, Benjamin Natanyahu leh Palestinian Autority President, Mahmoud Abbas cu an karlak buainak thuhla ah rualrem awknak lamzin hawlih hmaiton rori ih Washington ih an biakawk nakding thuhla ah BBC cun  Isreal Prime Ministe, Banjamin Natanyahu cu komnak a neiih, Isreal PM, Banjamin Natanyahu cun Palestinian thawi rualrem awknak tuah hi thil theihlo cu a silo nan, thil harsa zet a si ding tiah a sim.
Isreal Prime Minister, Banjamin Natanyahu cun Isreal ramcu Juda miphun pawlih ram a si ti ih, Palestinian pawlin an pawm hmaisak lo a si ah cun rualrem awknak kantuah theilo ding tiah a simcia ih, tuihlan ah cun Isreal  ramcu Juda miphun pawlih ram asi tiah Palestinian pawlin an rak pawm thei ruangah rualrem awknak tthazet kanrak neithei ih, Asinan tui naite hrawng ihsin Palestinian pawlin himi thu ah an ngaihdan an thleng salih, ziangruangah Isreal ramcu Juda miphun pawlih ram a si tiih an pawm theilo salnak san ka theilo tiah a sim.
Himi laiah Isreal Defence Ministry, cun an ram ralkap rak uktu tuikum – kum tirte ih baang Lieutenant General, Gabi Ashkenazi ih ai awh tu ah Major General, Yoav Galant cu an ret tharih, hihi Isreal Cozah in a pawm a si ah cun Major General, Yoav Galant hin hmaizarh ihsin Isreal ralkap uktu hna a ttuan thlangdingih, Palestinian pawlthawi an karlak buai nakih an ralkap pawlih cangvaih danleh Gaza ih Isreal ralkap umdan pawl tiangin a maikut sungah a um thlang ding. hiti vekih Isreal ralkap in uktu bik mithar an neih ruangah Palestinian pawl thawi an karlak boruak khal a sebet vivo menthei tiih ruat tu an tamzet.

Comments

comments

Comments

%d bloggers like this: