Israle Vanzam In Hamas Headquarter Pawl Kapsiat

Israel raldonak vanzam pawlin Gaza khawpi, Hamas pawlih umnak, Palestine pawlih umnak ram, an kapnak ah Hamas acozah ih cabinet headquarter pawl cu an kap tiin a hmutu pawlin an sim. Himi hi Hamas pawlin Jerusalem an kap hnu-ah a si. “IDF, Israel ralkap pawl cun Gaza ih um, Hamas PM ) Ismail Haniya ih headquarter pawl cu target in an kap,” ti’n Israel ralkap ṭuanvo neitu in a sim.

Cun, “Cutheh ah nazi paruk sung IDF cun dodaltu pawl umnak hmun 85 hrawng cun an kap hrih,” ti’n a simbet. “Himi an kapnak ah headquarter pawl cu lak ding um loin a siat. Kiangkap ih um inn dang pawl khal cu a siat ih, hihi Israel pawlih bomb thawn atthlak zetih thil an siatsuahnak pakhat a si,” ti’n Hamas ṭuanvo neitu pawlin an sim ve.

Israel pawlin kan dung Tlawngkai Ningani zaan ah vanzam ih an doletmi in Gaza ih Palestine mi paruk cun an nunnak an caan phah. Nihnih sungah vei 30 cu hivek in an kap ve tiin Hamas harhdamnaklam ṭuanvoneitu in a sim. UN le Palestine lamin cun UN Secretary General Ban Ki-moon cun doawknak umnak hmun ah a vehvai dingih a langte ih remdaih le raldaihnak cu tuahpi dingin a zuam ding thu an sim ve.

(Visited 276 times, 1 visits today)

Comments

comments

Comments

%d bloggers like this: