Israel Thu Ah US In A Dokalhtu Pawl Hminsin Dingin Ralrinnak Pe

Israel thuhla UNSC rorelnak sangih an relnak thu ih US dokaltu ram pawl cu US president le an US ram palai cun ralrinnak ca an suah.

‘Sumpai million Zahra lenglo, billion lenglo an la ih cumi hnu ah kan mah do zawng in vote an thlak. Kan mah dokalh zawngin Vote thlak hai ko seh. Poi kan ti lamlam lo. Sumpai kan miat sawn ding simai’ tiin US President Donald Trump cun Israel khawpi ding hrang Jerusalem a nemhnget hnu, UNSC rorelnak ih US ram dokalhtu ram zaten parah a thinhengnak a tongsuak.

US rampiin an ram palai pawl umnak ding hrang le Israel khawpi ding hrang Jerusalem a nemhngetnak ruangah leitlun ramtamhuap lairelnak sangbik a simi, UNSC ah zohman lamṭang neilo in, an rorelnak cu US in a dokalh.

US rampi cun Israel ka dinkham dingih himi thu ih in dolettu pawl lak ihsin dung kan sip lo ding tiin an ṭang hnget.
Jerusalem hi Israel le Palestine ram pawl karlak ih buainak suaktertu khawpi khuahkhirh zet thuanthu tamzei a si.

Tui hlan tiang ahcun Tel Aviv ah leitlun ramtamhuap pawl in an palai inn pawl an rak bun ih, an khawpi tluk ih an rak ruah mi a si. Asinan US cun a palai innpi cu Jerusalem ah ṭhawn dingin le Israel pawl ih an khawpi a si ding tiin a nemhnget eueu.

Tui tlawngkai nili ni ah UN in a palai mi 193 pawl ko in lakhruak thurelnak an nei ding. Tlawngkai nikhat niih an rak neih zo mi ahcun US in zohman lam ṭang neiloin a um nan dungsip loin VETO, a thuneihnak hmangin an rolrelnak cu a botcat.

Hi lakhruak thurelnak hi Palestine pawl in US ih a VETO hmangih an thurel mi an botcatnak ruangih an ko sal mi a si.
US ihsi UNSC palai Haley cun Israel hmunthianghlim thurelnak thu ah US in hngetzetin a din ding thu le, himi dokalhtu pawl ih rorelnak cu hmuhsuam awknak tluk ah kan ngai a si tiina ti bet. Asinan UNSC ram palai 14 pawl cun an dokalh hrih.

Ms Haley hin a dokalhtu ram pawl hnenah cakuat a kuat haiih, a cakuat ahcun US rampiin Israel thu kan relnak ih in dokalhtu pawl cu kan zohfel thluh sal ding. US rampi president khalin rorelnak ih in dokalhtu le US ram elteitu ram pawl hminsin ih a hnen ah simsal dingih in fial. Zovek ram khal pakhat khat ten kan zohfiang thluh ding tiin ralrinnak a rak kuat cia. A bulpak Twitter ah hitin a ngan bet ‘US in hmin ka lak ding’ tiin a tar.#

– Agencies, BBC

(Visited 118 times, 1 visits today)

Comments

comments

Comments

%d bloggers like this: