Israel Ralkap Pawl In Palestinian Pawl An Kap

Isreal ralkap pawlin raldo nak Vanzam hmangih Gaza ih Palestinian Tapung pawl pakhat Popular Resistance Committee(PRC) pawl an kah ruangah minung 12 an kapthatih, himi lakah PRC  hotu Zohair Al- Qaisi khal an kapthat tel ih midang 4 in nazet in hriamhma an tuar.

Palestinian pawl khalin Israel ralkap pawlhi rocket hmangin an kaplet ve ih, Asinan Israel ralkap pawlin  Iron Dome an timi Missile kahthlak nak hmangin Palestinian pawlih roket hi an rak kahthlaksak cingcing ruangah Palestinian pawlhin an duhvek an kap nagah theilo.

Israel ralkap kut tuarih thi PRC hotu Zohair Al- Qaisi hi Isreal Cozah cun  Isreal ram siatsuah tumtu bikih an puhmi a siih, nikum ih Isreal leh Egypt ramri ih Isreal mi minung 8 thah an sinak thu ih mawhphurtu bikkhalah puh asi ruangah  tuikum kum tirte khalah Isreal ralkap pawlin thah tumih an kapnan nungdamin a tlansuak manih  a mah kiltu pakhat cu kahthat a si ih, tuah cun Isreal ralkap kut tuarin a thi ta thotho.

PRC thupuangtu, Abu Attiya cun an hotu pa ih phuba an lakdingthu a simih, an hotupa a thih ruangah an tumtah micu an ttulh cuanglo ding thukhal a sim.

(Visited 33 times, 1 visits today)

Comments

comments

Comments

%d bloggers like this: