Israel Pawlih Ral Phun-7 le Zumtui Ral Phun-7

ISRAEL PAWLIH RAL PHUN-7 LE ZUMTUI RAL PHUN-7

Rev. Bawi Ceu

Daan peksalnak 7:1-11

Israel pawl ih nun lamtluan hi tuisan zumtu pawlih kan nun lamtluan a si ve. Sal ihsi runsuahnak, Nelrawn ramcar, Kanaan ram tin thuahthum a um vekin zumtu nun khal thuah-3 in a um ve. Satan sal ihsin ruansuahnak = Piantharnak, Zumtu nun, Nuntam=Nun pitling tivekin.

Israel pawlin Kanaan ram an thlen hnu khalih Ral an neih vekin zumtu khal Ral kan nei ve ringring. Cuih an ral pawl cu Pathian in a dawi sak thluh, a neh sak thluh vekin kan neh thei lomi kan ralpawl Bawipa in in do sak, in dawi sak, in neh sak.

1.     Hit miphun :  Hit timi cu ‘Ttihnak’ ti thawn a bangaw. Pathian in Israel pawlih ral Hit miphun a nehsak vekin tuisan Zumtu pawlih ral phunkhat a simi ‘Ttihnak’ timi in dawi sak ih in neh sak (2Tim.1:7; Rom 8:15).

2.     Girgash miphun: A sullam cu ‘Dungtolh, tlusia’ ti thawn a bangaw. Pathian in Girgash miphun a dawihloh sak vekin Zumtui nun ih ‘Dungtolhnak, tluksiatnak’pawl in dawi sak ih a rinumnak lam ah in hruai (Heb.6:1-3;10:39)

3.     Amor miphun:  Amor timi cu ‘Porhawknak, Hngalnak’ tithawn a bangaw. Pathian in Amor mi pawl a nehsak vekin Zumtu ih um theumi Porhawknak, hngalnak ral lian in neh sak vivo (Thufim 16:18; Jer.9:23-24 1Kor.1:29-31; Gal. 6:14).

4.     Kanaan miphun:  Kanaan timi cu ‘Khawvel thil’ tithawn a bangaw. An ral Kanaan mi pawl a dawisak vekin Zumtu nun  siatsuah ih nuai theutu Khawvel  thil lak ihsi thiarfihlim vivo thei dingin in hruai (1Jon. 2: 15-16).

5.     Periz miphun:  Periz timi cu ‘Khawvel sualnak Tisa’ tithawn a bangaw. Periz pawl a dawi sak vekin Zumtu nun ei ral theutu Tisa in nehsak. Tisa timi cu Taksa ih cakhiarnak pawl a si (Gal.5:16-18; Rom 8:5).

6.     Hiv miphun :  Hiv timi cu ‘thlarau sia’ tithawn a bang aw. Pathian in Hiv miphun pawl a nehsak vekin Zumtu ih ral a simi  thlarau sia le a thiltitheinak pawl in nehsak zo (Jon.16:33; Efe.6:12). Haleluiah, a va sunglawi em.

7.     Jebus miphun :  Jebus timi cu ‘Sualnak a phunphun’ tithawn an bang aw. Pathian in Jebus pawl a dawi sak vekin Zumtui nun ih sualnak a phunphun in neh sak, in dawi sak zo Haleluiah-Amen (1Jon. 3:9-10; Efe. 5:15-19).

(Visited 45 times, 1 visits today)

Comments

comments

One Comment

  1. Lungawi nasa hi cahram ka siar ngah hi cu manhla zet ka ti,thazang tampi ka ngah a si.ka sihnak sual ii dawi sak vivo ti ka thei fiang zet.

Comments

%d bloggers like this: