Israel nunau ralkap in mi huat a hlawh

Facebook hmang thiam lotu Israel ralkap rak tuan dah nunau pakhat Eden Abergil cu Israel le Palestine acozah cun internet ih ‘a zuk a retmi thawn pehparin’ nasazet in an sawisel.

Eden Abergil cun ‘facebook’ Israel ralkap a tuanlai cu ‘Army: The best period of my life’ (Ralkap: ka san sungih ka can sunglawibik) timi sungah Palestine miphun an kaihhrenmi pawl thawn a zuk awkmi a ret.

Cuih zuk cu West Bank kiangkap hrawng ih zukmi a si thei ruangah Israel ralkap hrang ahcun ‘ningzahnak pakhat’ a si thei tiah thuneitu pawl cun an rel.

Aberfil hi 2009 ah ralkap ihsin colhter a si zo na’n hitivek zuk a thlah ruangah ralkap dan vekin thuthen sak thei a si. Zuk a thlahmi thu thawn pehpar in thu an suh tikah ‘Khami zuk ruangah ziangvek thil pawi a um maw?” tiah a ti.

Vanzam cangsual ah thilmak a thleng

Kan dung tlawngkai nikhat ni ah South America tikulh ih Colombia ram ihsin a zam suakmi mi (131) lai phurtu vanzam Boeing 737 cu San Andres timi tikulh ih a tum (land) zik zawngah engine pakhat ihsin meisa a suak ih, leilung parah a tla ti a si.

Asinan vanzam cangsual hmuahhmuah lakih tihnungbik cun ‘a sungih totu mi (130) cu him damte’n a phur ih, mi (1) cu lung natnak a neih ruangah hliamhma zianghman tuar loin a rak thi ti a si. Hih vanzam hi leilung a thlen hlanah a taksa (body) cu a laitak (center) ah a tan (broken) ih mi (13) in hliamhma malte an tuar.

(Visited 73 times, 1 visits today)

Comments

comments

Comments

%d bloggers like this: