Israel Leh Palestinian Buai Nak A Reh Thei Lo

Pu Sum

Ni 7 sung Israel leh Palestinian buainak ah  Palestinian minung 105 an thiih, Israel minung 3 an thi. relzo vekin himi an buainak hi kandung tlawngkai ni 3 ih Israel ralkap pawlin  Palestinian Hamas hotu pakhat an kahthat ruangih puaksuak a siih, tutiang ralthuam hmangin an kapaw rero laiih, Israel ralkap palwcun meithal leh raldo nak Vanzam hmangin tipi tlun ihsin Palestinian pawlhi an kap rero laiih, Palestinian pawl khalin  rocket tamzet hmangin Israel ramhi an kap rero ve.

An buai nakhin zia umlam panthei hrihlo hman sehla Israel Cozah hotu leh Palestinian hotu pawlhin  Egypt Cozah hoha nak hnuaiih an buainak reh dingih rualrem nak tuahtumtu pawlih hnenah an thil duhmi leh an dilmi pawl an thehlut veve zoih, Israel Cozah cun Palestinian pawlin rocket hmangih Israel an kahhi bansan haiseh la Israel khalin ralthuam hmangih Palestinian a kahnak hi a bansan veding tiah an tiih, Palestinian hotu pawlcun Israel thawi ceasfire tuah dingcun Israel in hmundangdang ihsi Gaza pannak lamzinpi in phihsak mipawl a on hmaisat a ttul a si an tivethung.

Israel leh Palestinian  karlak buainak tireh nakding lamzin hawlin UN Secretary General, Ban Ki-Moon khal Egypt ram khawpi Cairo a thlengzoih,Israel Prime MInister, Benjamin Natanyahu leh Palestinian President, Mahmoud Abbas khal bia in an karlak buainak relrempi dingin a sawmih, US President Obama khalin  Israel leh Palestinian karlak buainak ih rualrem nak tuahtumtu Egypt President Mohammed Mursi leh Israel Prime Minister, Banjamin Natanyahu bia in  buainak tireh danding a relpi.

Israel leh Palestinian  karlak buainak ah hin UN ih Russia ram  palai Vitaly Churkin cun  Israel leh Palestinian karlak buainak hi UN Security Council in thusuah nak tuah in a tireh nakding lamzin hawl dingih UN ih nawr a tumthu a simih, UN Security Council Member ram lakah himi buainak reh dingih Egypt Cozah in  lamzin a hawl rero mihi a kalhki tum an um  tiah Russia ram palai cun a sim. US Cozah cun Israel leh Palestinain karlak buainak tireh nakding lamzin hawl dingih US Secretary of State, Hillary Clinton cun Middle East ah a tlawngding tiah an simve.

Himi laiah Turkey Prime Minister, Recep Tayyip Erdogan cun  Israel Cozah cu Gaza ih mihuat thu rel lo Palestinian nauhak te pawlhman  ralthuam hmangih kapcimit duhtu  Tapung thiti dan vekih thilti ah a puhih, himi laiah Israel ralkap hotu, Yoav Mordechai cun Palestinianpalwih umnak an kah micu Israel hrangih mi hnawksak Hamas pawlih umnak lawng  si tiah a simih, Israel cun a hrangih hnawksak leh ttihnung cu a ram humhim  nakah a kapsiat vivo ko ding a ti. Palestinian Hamas pawl hin rocket 12,600 an neiih, hihi Iran tuahmi hlir an si. tuittum an buainakih Israel kah nakah rocket 842 an hmangzoih, cumi sungah Israel in  463 an kahthlak sak.

Comments

comments

Comments

%d bloggers like this: