Israel Le Palestinian Thu Lawrkhawm

Ban Ki-moon In Jerusalem Nisuahnaklam Ah Umhmun Khuarmi Beidong

United Nations Secretary-General Ban Ki-moon in Jerusalem Nisuahnaklam le West Bank kiangkap ah mi 3000 a thar in umhmun an khuarter thu Israel thuneitu pawlin a puangmi ruangah a bei a dong thu kan dung Zarhpini, 2.12.12, ah a sim. “Hivek umhmun khuarnak hi leitlunpi daan tuahmi kalhzawng a si. An ramhnih karlak ih himnak khal a hloh phah a si,” tiin Ban Ki-moon ih ṭongkhuan ngahtu cun a sim. Himi hmun pawl hi Israel in 1967 kum ah a lakngahsalmi a si. Himi umhmun khuarnak hi E-1 settlement tiah kawh a si.

Ṭongkhuan ngahtu in, “Mr. Ban Ki-moon in an ramhnih karlak ih remdaihnak cu tuahsal dingin a duh. Curuangah daihnak tuah kan duh ahcun E-1 simanking plan pawl hi bang a ṭul a si,” tiah a simbet.

Kan dungzarh Tlawngkai Nilini, 29.11.12, ah General Assembly pi cu tuah a siih, an thuhla a hmun taktak mi relcatmi suah theinak dingah vote lak a si. Cumi vote cu ram 193 ih palai pawlin an pek ih, Palesltine ih dinhmun ah member tlamtling ding a cu hrih lo tiin palai 138 ih lungkim, palai 9 ih lungkim lo, le palai 41 ih vote lo in an relcat. UN cun cucu a thlun ding hrih ding a si.

Comments

comments

Comments

%d bloggers like this: