Israel in Iran A Kap Cing Ding Ah Zum A Si

Israel Cozah cun  Iran Nuclear ralthuam hmun pawimawh kaptu dingah a ralkap ttha cungcuang pawl timtuah awk nak a neiter rero tiah theih a siih, himi ruangah US Cozah thu neitu pawl khal an buaizet. relzo vekin Israel in Iran Nuclear hmunpi kah a tum nakah hin US Cozah simtheih hmaisak a tumlo thukhal a puangbet salih, Curuangah US Cozah mipawimawh leh Intellegence leh ralkap hotu pawlcun  Israel hin Iran a kapcingding tiih an zum ruangah White House rorel nak hmun pawimawh Capitol Hill ah to khawm nak pawimawh voi ziangmawzat an nei rero zo.

Israel in Iran kah a tumnak thu ih a rualpi thabik US sim a tumlo nak sanhi America in Israel a thunun theilo tiih ram dang pawlin US an mawhthluk an phan ruangah a si ding tihi zumnak tumbik a siih, himi thuah US Cozah hotu pawl khalin Israel hotu pawlhi voi tampi thu a rak relpi rero zoih, US cun Israel in Iran a kap a si khalle Iran Nuclear a cemding tinak a silo ih Nuclear ralthuam a tuah dingmi a khawtlai phah nakding fang a si timi thuhi US Cozah thuneitu pawlcun Israel Prime Minister, Benjamin Natanyahu leh Defence Minister, Ehud Barak khal voi tampi an rak relpi zo.

Israel in Iran kahmai a tumnak thuah  US mi pawimawh Joint Chiefs of Staff Chairman, White House National Security Adviser, National Intelligence Director  leh US ralbawi pawlcu tuah hin an buaizet ih, Asinan himi laiah White House leh Pentagon leh Intelligence Director pawlcun himi thuah zianghman ttongsuak mi an nei hrihlo.

Iran cun a Nuclear cu ralthuam tuahnak ding silo in Electrict Power tuahsuak nakdingah a si tiah a sim rero nan  tui naite khalah  Iran President, Mahmoud Ahmedinejad cun Nuclear hmunpi pathum lai a ongthar salin himi pawlhi  International  Atomic Energy Agency (IAEA) pawlin zoh an tumsak tikah a singlo ih, Curuangah IAEA cun Iran hin Nuclear ralthuam tuahsuak a tum a si tiih an puh micu nemhnget a siih, Curuangah Iran in Nuclear ralthuam a tuahsuak hlan ah Israel cun kahsiat sak a tum nak a si,  mitam picun April thla hrawngih a kah zumtu an umih, cumi laiah mi hrekkhat cun cumi hlanih a kah mai zumtu khal an um.

Tui dinhmunah Iran hin Nuclear ralthuam tuahnak dingih hmanmi Uranium Kg 110 a neizo tiah theih a siih, Nuclear ralthuam tuahsuak nak dingih Urianium ttulzatcu Kg 250 tal a ttul.

(Visited 74 times, 1 visits today)

Comments

comments

2 Comments

  1. stephenbawino says:

    ziangtinkim pathian thu siseh

  2. Thian Lian Sang says:

    Israel pawl nih kap mai sehla ka duh thlang. Iran ih hngal zia le luhlul zia le siatnak tuah a duh zia hi ka zoh men ve thei nawn lo.

Comments

%d bloggers like this: