Israel Cozah In Palestine Thawngtla 26 Suah

Israel

Israel cozah cun, reizet thawng a rak tla tu Palestine mi 26 pawl cu zalennak a pe ding tiin BBC thuthang cun a tarlang. Tuitum ih an suah mi 26 pawl hi, Israel-Palestine buianak ruang ih an kaihmi pawl an si. Israel cun, tuitum mi 26 an thlahnak ruangah, Palestine thawn thurel tlangnak an neih peh vivo a ruahsan. August 12, 2013 sun ah Palestine thawngtla mi 26 pawl cu an suah zo.

Israel le Palestine cun, August 13, 2013 sun ah, Jerusalem ah tongaw in thurel tlangnak an nei ding. Tuitum ih an thutel dingmi tlangpi cu, East Jerusalem le West Bank kiangkap hrawng thuhla thotho a si ding. Tu hrawngah, Jews mi tamzet pawl cu Israel lam ah an tlung hai ih, cupawl hrangah inn 1200 sak dingin Israel cun a tumtah. Inn saknak ding hmun hi,  East Jerusalem ah 793 le West Bank ah 394 a si ding. Cumi thuthla ruangah, Palestine cu Israel parah a lungawi lo zet.

(Visited 84 times, 1 visits today)

Comments

comments

Comments

%d bloggers like this: